კაზრეთის პირველმა საჯარო სკოლამ შემოდგომის ერთი მზიანი დღე ნამდვილ დღესასწაულად აქცია
17-11-2017
კაზრეთის პირველმა საჯარო სკოლამ შემოდგომის ერთი მზიანი დღე ნამდვილ დღესასწაულად აქცია. ფოლკლორულ-ქორეოგრაფიული ნომრებით, ხელნაკეთი ნივთებითა და საზეიმო განწყობით წარსდგნენ სკოლის მოსწავლეები აუდიტორიის წინაშე.
სკოლის ექსტერიერი საშემოდგომო ატრიბუტებით იყო გაფორმებული. საკლასო ოთახებს შემოდგომის ლამაზი კუთხეები ამშევენდა წითელ-ყვითელი ფოთლებითა და კალათებში ჩაწყობილი ხილით.
ღონისძიების დასასრულს არაჩვეულებრივი პოეზიის საღამო მოეწყო. ბავშვებმა წაიკითხეს, როგორც კლასიკოსი და თანამედროვე პოეტების ლექსები, ასევე საკუთარი შემოქმედება.