შეფასებისა და გამოცდების ეროვნული ცენტრი აბიტურიენტებს მათთვის საინტერესო კითხვებზე პასუხს სთავაზობს. როგორ უნდა მიიღონ უცხოური ენის გამოცდაში მაღალი ქულა, რა უნდა გაითვალისწინონ ესეს დაწერისას, და რამდენად კარგად მუშაობს დაზეპირებული ფრაზები და გამონათქვამები, რომლებსაც აბიტურიენტების ესეს წერისას ხშირად იყენებენ.

გაეცანით თქვენთვის საინტერესო კითხვებზე პასუხს:

1. რომელია უცხოურ ენაში ყველაზე ხშირად დაშვებული შეცდომები?

- ზოგჯერ აბიტურიენტები იყენებენ დაზეპირებულ ფრაზებს, რომლებიც ყველა ტექსტს შესაძლოა მოერგოს. როგორც წესი, ასეთი ფრაზები ადეკვატურად არ პასუხობს კონკრეტულ დავალებას. აქედან გამომდინარე, არ ფასდება ხოლმე ნაშრომი მაღალი ქულით.

 

- უცხოური ენის ტესტში სიახლეები გასულ წელს შევიდა, შესაბამისად, წელს ამის საჭიროება არ ყოფილა, რადგან ტესტი სტრუქტურულად საკმაოდ დაბალანსებულია. უცხოური ენის ტესტი მოსმენის ორი დავალებით იწყება, რომელიც შედგება 5 მოკლე და ერთი შედარებით ვრცელი ტექსტისაგან. დავალებების მოსმენა ხდება ორჯერ. ჩვენი რეკომენდაციაა: თუ შეკითხვაზე გაგიჭირდათ პასუხის გაცემა პირველი მოსმენით, გადადით მომდევნო კითხვაზე და მეორე მოსმენისას გაეცით მას პასუხი.  იხელმძღვანელეთ კრებულებით, რომლებშიც კარგად ჩანს, თუ როგორ უნდა შეასრულოთ დავალებები. აბიტურიენტებმა ასევე აუცილებლად უნდა გაითვალისწინონ, რომ არ დაწერონ პასუხების ფურცელზე სახელი და გვარი, ან რაიმე მაიდენტიფიცირებელი ნიშანი - ამ შემთხვევაში დავალება არ გასწორდება. 

 

ესეში სიტყვების რეკომენდებული რაოდენობაა 120 - 150. შეგიძლიათ ამაზე ცოტა მეტიც დაწეროთ, მთავარია, არ გადასცდეთ ამ დავალებისათვის გამოყოფილ სივრცეს, რადგან შესაძლოა დასკანერების დროს თქვენი ნაწერი მოიჭრას. შინაარსის მხრივ ყურადღება ექცევა იმას, თუ რამდენად ზუსტად და პირდაპირ პასუხობთ მოცემულ დავალებას. არ არის საჭირო ზოგადი დაზეპირებული ფრაზების ხშირად გამოყენება. მთავარია, პირადი აზრი გასაგებად და არგუმენტირებულად გადმოსცეთ.

 

- ამ დავალებაში ძალიან მნიშვნელოვანია ყურადღება გაამახვილოთ კონტექსტზე, ასევე იმაზე, რომ ჩასასმელი სიტყვა სწორად დაწეროთ. მართლწერის შეცდომის შემთხვევაში, პასუხი არ შეფასდება.  

 

- დიახ, თუ მაღალი ქულის მიღება გსურთ, სასურველია მაქსიმალურად ხშირად გამოიყენოთ რთული თანწყობილი და რთული ქვეწყობილი წინადადებები და შესაბამისი მაკავშირებელი სიტყვები. აგრეთვე ძალიან მნიშვნელოვანია, არ დაწეროთ დაზეპირებული, შაბლონური ფრაზები. ნაწერში უნდა ჩანდეს ის, თუ რამდენად შეუძლია აბიტურიენტს აზროვნება შესაბამის ენაზე და ასევე, მისი პირადი დამოკიდებულებები ამა თუ იმ საკითხის მიმართ.

 

- კონტრარგუმენტების გამოყენება არ მოგეთხოვებათ და ამიტომ აუცილებლობა არ არის - ორი ლოგიკური არგუმენტის მოყვანაც საკმარისი იქნება. 

 

- მოსმენის დავალების ჩასაწერად ცენტრი იწვევს ინგლისურენოვან სპეციალისტებს. ხმის ჩაწერა ხდება სპეციალური აპარატურით მაღალ დონეზე და ჩანაწერი, როგორც წესი, არის ძალიან ხარისხიანი. ამაში შეგიძლიათ დარწმუნდეთ, თუ ჩვენს გვერდზე გამოქვეყნებულ მოსმენის დავალებების ჩანაწერებს მოუსმენთ. იმ შემთხვევაში, თუ რომელიმე აბიტურიენტმა ჩათვალა, რომ მოსმენის დავალების გამო პრობლემა შეექმნა (ნებისმიერი მიზეზით), დაუყოვნებლივ, ტესტის დაწყებისთანავე უნდა აცნობოს ამის თაობაზე მეთვალყურეს, თუმცა ამ ტიპის პრეტენზიები, შეგვიძლია გითხრათ, რომ ძალიან მცირეა. აბიტურიენტს საშუალება აქვს ერთი და იგივე ტექსტი ორჯერ მოისმინოს. 

 

- ციტატის მოყვანა შეგიძლიათ, თუმცა არ არის აუცილებელი. თუ საკუთარი ინტერპრეტაციით ციტატას მაინც დაწერთ, ქულა არ დაგაკლდებათ, მაგრამ ეს ციტატა თემასთან პირდაპირ კავშირში უნდა იყოს და არა ზოგადი და განყენებული.

 

-  ესეს ნიმუშები და შეფასების კრიტერიუმები მოცემულია კრებულში. აქვეა განმარტებული, თუ როგორ ფასდება თითოეული ესე. დეტალები იხილეთ ბმულზე: https://naec.ge/#/ge/post/1170

 

- ლაპარაკის ნაწილის დამატება უცხოური ენის ტესტში ამ ეტაპზე დაგეგმილი არ არის.

 

- სწორია/არასწორია დავალება ტესტიდან ამოვიღეთ 2020 წელს, რის ნაცვლადაც დაემატა მოსმენის მეორე დავალება, რამაც უცხოური ენების ტესტი უფრო მეტად დააბალანსებული გახადა. ახლა ტესტი შედგება სამი მეტნაკლებად თანაბარი წონის ნაწილისაგან. ესენია: მოსმენა, კითხვა და წერა.

 

- დიახ, თანაბარი სირთულისაა ენის თვალსაზრისით, თუმცა წერის დავალებები უფრო რთული შესასრულებელია, ვიდრე მოსმენის, რადგან მოსმენის დავალების დროს სწორ პასუხს მონიშნავთ და არაფერს წერთ, ხოლო წერითი დავალებისას თავად უნდა დაწეროთ დავალებები. ტესტის სირთულის დონე ზოგადად შეესატყვისება ეროვნული სასწავლო გეგმის მოთხოვნებს და საერთაშორისო სტანდარტის მიხედვით არის B1.