კორონავირუსის გამო, 37 კლასი ონლაინ რეჟიმში სწავლობს. აჭარის ჯანდაცვის სამინისტროს ინფორმაციით, აჭარაში 14 სკოლა ონლაინ რეჟიმში აგრძელებს სწავლას, ხოლო 10 საბავშვო ბაღი დაიხურა.

უწყების ინფორმაციით, გასული 24 საათის განმავლობაში რეგიონში კორონავირუსის 146 ახალი შემთხვევა გამოვლინდა და ერთი ადამიანი გარდაიცვალა, იგი ბათუმის რესპუბლიკურ საავადმყოფოში იყო მოთავსებული. საერთო ჯამში აჭარაში, კორონავირუსისგან 37 770 პაციენტი გამოჯანმრთელდა, ხოლო კრიტიკულად მძიმეა 8 პაციენტი, ისინი მართვით სუნთქვაზე იმყოფებიან.