ჭიათურის N2 საჯარო სკოლის მოსწავლის ნამუშევარი კონკურსის - „შექმენი შენი კალენდარი“ გამარჯვებული გახდა
08-12-2017
სპორტისა და ახალგაზრდობის საქმეთა სამინისტროს „ბავშვთა და ახალგაზრდობის ეროვნული ცენტრი“ ახორციელებს პროგრამას „ახალგაზრდული ფესტივალი - 2017“.
პროგრამა მიზნად ისახავს საქართველოს ახალგაზრდობის პოტენციალის გამოვლენას, მათი პიროვნული და კარიერული განვითარებისთვის შესაბამისი პირობების შექმნასა და მასობრივ კულტურულ აქტივობებში ჩართვას.
პროგრამის ფარგლებში ჩატარდა კონკურსი დამწყები მხატვრებისთვის - „შექმენი შენი კალენდარი“. კონკურის მიზანი მთელი საქართველოს მასშტაბით ნიჭიერი მხატვრების აღმოჩენა და მათი პოპულარიზაცია იყო.
კონკურსის გამარჯვებული ჭიათურის N2 საჯარო სკოლის მე-9 კლასის მოსწავლე ნინი გოგსაძე გახდა. იგი დაბა ბორჯომში დაგეგმილ ღონისძიებებში მიიღებს მონაწილეობას.
სკოლა ულოცავს ნინის და მომავალშიც წარმატებებს უსურვებს.
იხილეთ ფოტოები
სკოლების სიახლეები
