თიანეთის ახალსოფლის საჯარო სკოლაში გამართულ კონკურსში პირველობა გუნდმა „ინტელექტმა“ მოიპოვა
11-12-2017
თიანეთის ახალსოფლის საჯარო სკოლაში თავისუფალი გაკვეთილების ფარგლებში, კონკურსი „რა? სად? როდის?“ ჩატარდა. კონკურსს ისტორიის პედაგოგი ნათელა სისაური ხელმძღვანელობდა. ერთმანეთს ორი გუნდი „ოლიმპო“ და „ინტელექტი“ დაუპირისპირდა. თითოეული მათგანი 6 მოსწავლისგან შედგებოდა. დაძაბულმა თამაშმა გამარჯვებული გამოავლინა. პირველობა „ინტელექტმა“ მოიპოვა.
მოსწავლეების თქმით, მსგავსი ტიპის აქტივობები დამატებითი მოტივაციაა, რომ უკეთ ისწავლონ და თავიანთი ცოდნის რეალიზება მოახდინონ.