საქართველოს მთავრობის გადაწყვეტილებით, გარკვეული შეზღუდვები შემსუბუქდა, მათ შორის, რესტორნებს შაბათ-კვირას სტუმრების მიღება შეეძლებათ დახურულ სივრცეშიც. თუმცა, ხელისუფლების გადაწყვეტილებით, ძალაში რჩება შეზღუდვა თავშეყრის შესახებ და ის შეეხება ქორწილებს, ქელეხებს, ბანკეტებს.

რაც შეეხება კომენდანტის საათის მოხსნას, როგორც საკოორდინაციო საბჭოს ბრიფინგზე აღინიშნა, ჯერჯერობით ეს საკითხი არ განიხილება და „როგორც კი ეპიდვითარება ამის საშუალებას მოგვცემს, საბჭო იმსჯელებს, თუმცა ვითარების გაუარესების შემთხვევაში, არ გამოვრიცხავთ გარკვეული შეზღუდვების გამკაცრებას“.