იმისთვის, რომ კორონავირუსის ვაქცინაციამ უფრო მასშტაბური სახე მიიღოს და საზოგადოებაში აცრის მიმართ მეტი ნდობა გაჩნდეს, ხელისუფლების წარმომადგენლებიც საჩვენებლად იცრებიან. თუმცა პედაგოგიურ საზოგადოებაში მაინც გაურკვევლობაა, რადგან მოლოდინი - მინისტრი მიხეილ ჩხენკელი და მისი მოადგილეებიც აიცრებიან - დროში სულ უფრო იწელება.
აქამდე, ასტრაზენეკას ვაქცინა ბატონ მიხეილს ასაკობრივად არ ეკუთვნოდა და ამიტომ შეუკავებია თავი - ყოველ შემთვევაში, ასე გვიპასუხეს სამინისტროში, მაგრამ ახლა, როდესაც პრეპარატის ასაკობრივი ზღვარი 45 წლამდე შემცირებულია, დანარჩენ ვაქცინებს კი ასაკობრივი ბარიერი არ გააჩნია, კიდევ ერთხელ დავსვით კითხვა განათლების სამინისტროში - როდის აპირებს განათლებისა და მეცნიერების მინისტრი მიხეილ ჩხენკელი, მოადგილეებთან - ეკატერინე დგებუაძესთან, ნუნუ მიცკევიჩსა და თამარ ქიტიაშვილთან ერთად აცრას? - რაზეც გვიპასუხეს, რომ ამ ეტაპზე ეს საკითხი არ განიხილება!
ასე რომ, პედაგოგები ჯერჯერობით ტყუილად ელოდებიან, რომ სამინისტროს ხელმძღვანელი და მისი მოადგილეები მაგალითს მისცემენ.
