ოტია იოსელიანის სახელობის წყალტუბოს N1 საჯარო სკოლაში მოსწავლეები თექის მხატვრულ დამუშავებას სწავლობენ.
აღნიშნული გაკვეთილები აკაკი წერეთლის სახელმწიფო უნივერსიტეტის მიერ სკოლის მოსწავლეებში შრომითი უნარების განვითარების ქვეპროგრამის ფარგლებში ხორციელდება და მასში საბაზო საფეხურის 20 მოსწავლეა ჩართული.
გაკვეთილებს აქტიურად უძღვება უნივერსიტეტის ლექტორი და პროფესიული მასწავლებელი ლალი ხვადაგიანი, სკოლის ხელოვნების მასწავლებელი ნარგიზა შავგულიძე და პროექტის კოორდინატორი სკოლაში ინგა არაბიძე.
სკოლაში უკვე მოეწყო დეკორატიული თექის ნამუშევრების გამოფენა.
წყალტუბოს N1 საჯარო სკოლის ხელმძღვანელობა და მოსწავლეები დადებითად აფასებენ მსგავსი ტიპის პროექტებით სწავლებას.
სკოლის დირექციის, მასწავლებლებისა და მოსწავლეების სურვილია ეს პროექტი კვლავ გაგრძელდეს.
