რას ნიშნავს ძლიერი სკოლა, რა არის მისი მთავარი მამოტივირებელი ძალა და რა ახსოვს სკოლიდან გამორჩეულად - ამ და სხვა საინტერესო საკითხებზე წალენჯიხის მუნიციპალიტეტის საჩინოს თემის N1 საჯარო სკოლის დირექტორი კახაბერ ფიფია ბლიც-ინტერვიუში საუბრობს.

- სასწავლო წლის დასრულება...

- სასწავლო წლის შეჯამება და ახალი გეგმების დასახვაა. 

- ძლიერი სკოლა ნიშნავს...

- ახალი მიდგომებით წარმართულ სწავლა-აღზრდის პროცესს და თანამედროვე გამოწვევებზე მორგებული თაობის აღზრდას.

- გამორჩეულად მახსენდება სკოლის...

- საგაკვეთილო პროცესის შეწყვეტა პანდემიის შედეგად, რომელმაც ახალი გამოწვევების წინაშე დაგვაყენა.

- ოჯახის მხარდაჭერა საჭიროა...

- სასწავლო-სააღმზრდელო პროცესში წამოჭრილი პრობლემების მოსაგვარებლად.

- მოსწავლისთვის სამაგალითოა...

- ოჯახში - მშობელი, სკოლაში - მასწავლებელი.

- დირექტორის მოტივაციაა...

- სკოლაში ყავდეს შედეგზე ორიენტირებული წარმატებული მასწავლებლები.

- განვითარებისთვის მნიშვნელოვანია...

- განვითარების მუდმივი ციკლი, რეალური მიზნები და მოტივაცია, თანამშრომლობა და თანამონაწილეობა.