რას ნიშნავს ძლიერი სკოლა, რა არის მთავარი მამოტივირებელი ძალა და რა ახსოვს სკოლიდან გამორჩეულად - ამ და სხვა საინტერესო საკითხებზე ვასილ ბარნოვის სახელობის, თეთრიწყაროს მუნიციპალიტეტის, კოდის საჯარო სკოლის დირექტორის მოვალეობის შემსრულებელი, დალი გაბრიჭიძე ბლიც-ინტერვიუში საუბრობს:

- სასწავლო წლის დასრულება ყოველთვის...

- სასწავლო წლის დასრულება ყოველთვის ემოციურად ტკბილ-მწარე მოგონებებს აღმიძრავს,წელს სკოლიდან 34 გამოშვება გავაცილე და ყველას იმ სარკმლიდან ვაცილებ, იმ ემოციით რაც მე მქონდა 44 წლის წინ როცა მეგონა ჩემთვის სამუდამოდ დაიხურა სკოლის კარი...

- ძლიერი სკოლა ნიშნავს...

- მოტივირებულ მოსწავლეს, გაწეული შრომით კმაყოფილ მასწავლებელს, მაღალი თანამშრომლობითი კულტურის პედაგოგებს და დირექციას, უსაფრთხო გარემოს.

- გამორჩეულად მახსენდება სკოლის...

- პირველ კლასში მოსწავლედ და სკოლაში მასწავლებლად შესვლა.

- ოჯახის მხარდაჭერა საჭიროა...

- მოსწავლის წარმატება მხოლოდ ოჯახისა და სკოლის ერთობლივი მუშაობით მიიღწევა.

- მოსწავლისთვის სამაგალითოა...

- მოსწავლე ასაკის მიხედვით ირჩევს მოდელებს, ზოგჯერ ეს მოდელი მშობელი ან მასწავლებელია.

- დირექტორის მოტივაციაა...

- ბედნიერი და წარმატებული მოსწავლე, მასწავლებელი, კმაყოფილი მშობელი.

- განვითარებისთვის მნიშვნელოვანია.

- არა მარტო ცოდნა მივცეთ მოსწავლეებს, არამედ - ვასწავლოთ ამ ცოდნის გამოყენება.