ნაძვის ხე – ეს ახალი წლის უცვლელი ტრადიციაა, რომელსაც ახალი წლის დადგომის მოახლოებასთან ერთად მთელი მსოფლიოსთვის განსაკუთრებული განწყობა მოაქვს. ,,უცნაური ნაძვის ხე"-  ახალციხის №5 საჯარო სკოლაში  ამ სახელწოდების ხელნაკეთი ნაძვის ხეების  გამოფენა მოეწყო. ახალი წლის აღსანიშნავად გამოფენა დაწყებითი კლასების კათედრის ინიციატივით ჩატარდა, რომელსაც კათედრის ხელმძღვანელი ნინო გელაშვილი უძღვებოდა.

გამოფენაში მონაწილეობა დაწყებითი კლასების თითქმის ყველა მოსწავლემ მიიღო და პატარებმა კიდევ ერთხელ დაამტკიცეს, რომ ადამიანის ფანტაზია უსაზღვროა. გამოფენაზე წარმოდგენილი 500-ზე მეტი ნამუშევრიდან, ყველა ერთმანეთისგან განსხვავებული და ინდივიდუალურად ეფექტური იყო.

ბავშვებმა უბრალო და სრულიად განსხვავებული მასალებისგან, საკუთარი იდეებით სრულიად კრეატიული და საოცრად ზღაპრული ნაძვის ხეები შექმნეს.

გამოფენის მსვლელობისას მოსწავლეებმა ერთმანეთს და დამთვარიელებლებს ემოციები ცეკვა-სიმღერით გაუზიარეს. გამოფენას სკოლის დირექცია ესწრებოდა, რომელმაც მასში მონაწილე ყველა მოსწავლეს სიგელები გადასცა.

იხილეთ ფოტოები