მასწავლებლები უკვე შვებულებაში არიან, თუმცა ეს საკითხი სკოლის დირექტორებს ნაკლებად ეხებათ. ზოგადი განათლების შესახებ კანონით, სკოლის ხელმძღვანელის შვებულებაში გასვლა გარკვეულ პროცედურებთანაა დაკავშირებული და ამ საკითხს ადგილობრივი საგანმანათლებლო რესურსცენტრი არეგულირებს - სწორედ შესაბამისი ორგანოს თანხმობით შეუძლია დირექტორს შვებულებაში გასვლა და მისი შვებულებიდან დაბრუნების ბრძანების გაცემაც.
ზოგადი განათლების შესახებ კანონში, შავით თეთრზე ასე წერია: დირექტორი შვებულებაში გადის, „სამინისტროს შესაბამისი ტერიტორიული ორგანოს თანხმობით, ხოლო აფხაზეთისა და აჭარის ავტონომიური რესპუბლიკების ტერიტორიებზე – განათლების სფეროში უფლებამოსილი შესაბამისი სამინისტროს თანხმობით გადის შვებულებაში. სკოლის დირექტორის შვებულებიდან გამოძახება არის სამინისტროს შესაბამისი ტერიტორიული ორგანოს დისკრეციული უფლებამოსილება, ხოლო აფხაზეთისა და აჭარის ავტონომიური რესპუბლიკების ტერიტორიებზე – განათლების სფეროში უფლებამოსილი შესაბამისი სამინისტროს დისკრეციული უფლებამოსილება. სამხედრო მომზადებისა და განათლების განმახორციელებელი სკოლის დირექტორი შვებულებაში გადის საქართველოს თავდაცვის სამინისტროს თანხმობით და მისი შვებულებიდან გამოძახება საქართველოს თავდაცვის სამინისტროს დისკრეციული უფლებამოსილებაა“.
