ეროვნული და სამაგისტრო გამოცდები დასრულდა და ბუნებრივია, აპლიკანტები მოუთმენლად ელიან საბოლოო შედეგების, გათანაბრებული ქულების გამოქვეყნებას. ეს ყველაფერი კი დროში იმიტომ გაიწელა, იმ აპლიკანტებისთვის, ვისაც კოვიდი დაუდასტურდა, დამატებითი სესიები დაინიშნა. ახლა კი ეს „ცხელი ეტაპი“ გადალახულია და ყველა „ნაეკის“ ინფორმაციას ელის.

როდის გამოქვეყნდება აბიტურიენტების შედეგები? - ამ კითხვაზე შეფასებისა და გამოცდების ეროვნული ცენტრი პასუხობს, რომ: „გათანაბრებული ქულები და შეფასების სქემები  20 აგვისტოს შემდეგ გამოქვეყნდება“; ხოლო რაც შეეხება სამაგისტროებს, აცხადებენ, რომ „საერთო სამაგისტრო გამოცდის შედეგები სავარაუდოდ თვის ბოლოს იქნება ცნობილი“