„სწავლის განახლებასთან მიმართებით საბჭო ერთობლივად იმსჯელებს“ - ტიკარაძე
18-08-2021
ჯანდაცვის მინისტრმა, ეკატერინე ტიკარაძემ, სასწავლო წლის დაწყებასთან დაკავშირებით, განაცადა, რომ მნიშვნელოვანია დააკვირდნენ ეპიდემიის გავრცელებას - დაახლოებით 2 კვირაში გარკვეულ შედეგებს ელოდებიან.
მინისტრმა აღნიშნა, რომ სწავლის განახლებასთან დაკავშირებული მიდგომები აღნიშნულ შედეგებზე დაყრდნობით გადაწყდება.
„რაც შეეხება სწავლის განახლების პროცესს, არაერთხელ აღვნიშნეთ, რომ მნიშვნელოვანია დავაკვირდეთ ეპიდემიის გავრცელებას, დაახლოებით 2 კვირაში ველოდებით გარკვეულ შედეგებს. შედეგებიდან გამომდინარე, დაავადებათა კონტროლის ცენტრი და ჯანდაცვის სამინისტრო, საბჭოს წარუდგენს არსებულ რისკებსა და შედეგებს, რის შემდეგაც საბჭო ერთობლივად იმსჯელებს სწავლის განახლებასთან მიმართებით, რა მიდგომები იქნება“.
სკოლების სიახლეები
