რუსთავის მე-4 სკოლა 2015 წლიდან ჩაერთო ბიზნესის უნარ-ჩვევების პროექტში. 2017 წელს მეოთხე სკოლის მე-5^გ კლასის მოსწავლეებმა მონაწილეობა მიიღეს პროექტის ფარგლებში გამოცხადებულ კონკურსში „შენი ბიზნეს იდეა“ და მოამზადეს პროექტი „ჭკვიანი ჩანთა“. 

მეოთხე სკოლის პროექტმა 50-ზე მეტ კონკურსანტს შორის გაიმარჯვა და პირველი ადგილი დაიმსახურა. მოსწავლეთა მიერ მოაზრებული ჭკვიანი ჩანთა მრავალფუნქციურ ჩანთას გულისხმობს , რომელიც 11-12 წლის ასაკის ბავშვის ყველა სასწავლო საჭიროებას აკმაყოფილებს. კერძოდ, „ჭკვიანი ჩანთას“ ექნება ჩანთაზე დამაგრებულ სასწორი ჩანთის წონის გასაკონტროლებლად, ასევე ჯიპიესის ტიპის მოწყობილობა, რომელიც მშობლის მიერ ქალაქში შვილის ადგილმდებარეობის დადგენას უზრუნველყოფს, ჩამონტაჟებულ ავზი სასმელი წყლისათვის, ელექტრონული დაფა საგაკვეთილო ცხრილისა და სხვადასხვა ჩანიშვნებისათვის და ა.შ. 

კონფერენციაზე მეოთხე სკოლის 15-მა მოსწავლემ საკუთარი იდეის პრეზენტაცია მოახდინა და დამსწრე საზოგადოებაში მოწონება დაიმსახურა.

პროექტის ხელმძღვანელი მე-4 სკოლის რუსული ენისა და ლიტერატურის მასწავლებელი, ინგა ფერაძე და კლასის დამრიგებელი ეკატერინე ფრიდონაშვილი იყვნენ. 

მოსწავლეების მიერ მოფიქრებულ „ჭკვიანი ჩანთის“ იდეას პარტნიორობა არასამთავრობო ორგანიზაცია „სიქამაც“ გაუწია.

იხილეთ ფოტოები