2021-2022 სასწავლო წელს საჯარო და კერძო სკოლებში 624 132 მოსწავლე ირიცხება. მათ შორის კერძო სკოლაში 60 314 მოსწავლეა, ხოლო საჯაროში - 563 818 - აღნიშნული ინფორმაცია etaloni.ge-მ განათლების მართვის საინფორმაციო სისტემისგან გამოითხოვა. 

სწავლა წელსაც არასტანდარტულ ვითარებაში დაიწყო. პანდემიის გამო სასწავლო პროცესი 15 სექტემბერს დისტანციურად დაიწყეს II-XII კლასის მოსწავლეებმა, ხოლო პირველკლასელები 4 ოქტომბერს პირდაპირ დასწრებითი ფორმატით დაიწყებენ სწავლას.

საინტერესოა, რომელ სკოლას ჰყავს ყველაზე მეტი პირველკლასელი და რომელმა სკოლებმა დაიწყეს სასწავლო წელი მათ გარეშე.

ყველაზე მეტი პირველი კლასის მოსწავლე თბილისის №186 საჯარო სკოლაში ირიცხება, 2021-2022 სასწავლო წელს №186 სკოლაში 575 მოსწავლე დარეგისტრირდა.
 
პირველკლასელების გარეშე სასწავლო წელი კი 91 საჯარო სკოლაში დაიწყო: იხილეთ სკოლების სია