მიმდინარე სასწავლო წლიდან სკოლებში ჟურნალის წარმოება მხოლოდ ელექტრონული ფორმით მოხდება; რამდენად სწორად მიაჩნია აღნიშნული ცვლილება, არიან თუ არა მასწავლებლები სიახლეებისთვის მზად და რა მოლოდინები აქვს ახალი სასწავლო წლისგან, ამ და სხვა საინტერესო საკითხებთან დაკავშირებით etaloni.ge-სთან ბესიკ ხულორდავას სახელობის მარტვილის მუნიციპალიტეტის სოფელ სალხინოს საჯარო სკოლის დირექტორი ნუნუ სილაგავა საუბრობს.

- როგორ მიმდინარეობს თქვენ სკოლაში ახალი სასწავლო წელი ? ზოგადად, რა მოლოდინი გაქვთ 2021-2022 სასწავლო წლისგან ?

- ბესიკ ხულორდავას სახელობის მარტვილის მუნიციპალიტეტის სოფელ სალხინოს საჯარო სკოლას მუნიციპალური განვითარების ფონდის მიერ სრული რეაბილიტაცია ჩაუტარდა. სკოლა 4 ოქტომბერს მოსწავლეების მისაღებად მზადაა. იმედი გვაქვს 2021-2022 სასწავლო წელი წარმატებების მომტანი იქნება.

- როგორც ცნობილია, მიმდინარე სასწავლო წლიდან სკოლებში ჟურნალის წარმოება მხოლოდ ელექტრონული ფორმით მოხდება. რამდენად სწორად მიგაჩნიათ აღნიშნული ცვლილება ? მასწავლებელთა მზაობას როგორ შეაფასებდით ელექტრონული ჟურნალის წარმოების კუთხით ?

- მიმდინარე სასწავლო წელს სკოლებში შემოდის ელექტრონული ჟურნალის წარმოება. სკოლის მასწავლებლები ელექტრონული ჟურნალის წარმოებაში გათვითცნობიერებული არიან და არის მზაობა იმისა რომ სრულად გაართვან თავი; რა თქმა უნდა, ელექტრონული ჟურნალი ბევრად მოსახერხებელია.