ოქტომბერში უფროსი მასწავლებლის სტატუსი 49 პედაგოგმა მოიპოვა - აღნიშნულის შესახებ მასწავლებლის პროფესიული განვითარების ეროვნულ ცენტრში განგვიცხადეს.
როგორც ცენტრში განგვიმარტეს, „ოქტომბერში სტატუსი აიმაღლეს და უფროსის სტატუსი მიენიჭათ იმ პრაქტიკოსებს, რომლებიც მართალია, წელს არ გასულან გამოცდაზე, თუმცა წინა წლებში ჩააბარეს, მაგრამ სხვადასხვა აქტივობებით ჰქონდათ 19 კრედიტქულა მოსაგროვებელი - ასეთი პედაგოგი 42 იყო; ერთმა დოქტორის ხარისხი მოიპოვა და ასე გახდა უფროსი; ხოლო 6-მა 60 კრედიტიანი პროგრამა დაასრულა წარმატებით“.
აქვე შეგახსენებთ, იმასაც რომ მასწავლებელთა კომპტენეციის დადასტურების გამოცდის წარმატებით ჩაბარების შემდგომ სტატუსი 1079-მა პრაქტიკოსმა მოიპოვა. აღსანიშნავია, რომ უფროსის სტატუსის მოპოვებას ნოემბერში დაახლოებით 130-მდე პრაქტიკოსი ელის.
იხილეთ: გამოცდაზე დარეგისტრირებული 8716 პრაქტიკოსიდან სტატუსი მხოლოდ 1079-მა აიმაღლა - ოფიციალური მონაცემები
