გაიცანით, KIU-ს სტუდენტი დემეტრე შონია, რომელიც 15 წლიდან კომპიუტერულ თამაშებს ქმნის
22-10-2021
გაგაცნობთ KIU-ს კიდევ ერთ წარმატებულ სტუდენტს დემეტრე შონიას, რომელიც კომპიუტერული მეცნიერების ინგლისურენოვან საბაკალავრო პროგრამაზე წელს ჩააბარა.
ინოვატორი და მიზანდასახული ბიჭი თბილისის N162 საჯარო სკოლაში სწავლობდა. სკოლის პერიოდში უმაღლესი აკადემიური მოსწრების გამო დაჯილდოებულია ოქროს მედლითა და ლეპტოპით. დემეტრე საგანმანათლებლო კონკურსებშიც აქტიურად იღებდა მონაწილეობას. რამდენიმე თვის წინ, მეგობრებთან ერთად სტარტაპ კონკურსში ჩაერთო, სადაც პროექტი - „bikesee" წარადგინა და მეორე ადგილი დაიკავა. ეს არის სტარტაპი, რომლის შექმნის მთავარი მიზანია ეკოლოგიაზე ზრუნვა და ჯანსაღი ცხოვრების წესის პოპულარიზაცია. ახალგაზრდებს სურთ, ქალაქში განათავსონ ველოსატრანსპორტო პუნქტები, რომელიც ხელმისაწვდომი იქნება ყველასთვის. მათი სერვისებით სარგებლობა კი, შესაძლებელი იქნება აპლიკაციითა და საბარათე სისტემით. ასევე, ნებისმიერ დაინტერესებულ პირს საშუალება ექნება, გახდეს მათი პარტნიორი და წამოწყება გახადოს ფულადი შემოსავალი.
დემეტრე გახლავთ „ეტალონის“ რამდენიმე გზის მონაწილეც. ფლობს ინგლისურ და რუსულ ენებს. პატარაობიდანვე აინტერესებდა STEM დარგები, შესაბამისად, ეს სფერო მისი ცხოვრების მნიშვნელოვან ნაწილად იქცა.
„ბავშვობიდან მსურდა საკუთარი ვიდეო თამაშების შექმნა. სწორედ ამიტომ, 15 წლის ასაკში დავიწყე პროგრამირების შესწავლა. ეს სფერო იმდენად შემიყვარდა, რომ გადავწყვიტე მექცია ჩემს პროფესიად და მთელი ცხოვრების განმავლობაში მეკეთებინა ეს საქმე“, - აცხადებს დემეტრე შონია.
ამჟამად, შპს „ჰეფი ბეთში” (Happy Bat) ონლაინ თამაშების დეველოპერად მუშაობს. აქვს 3-წლიანი გამოცდილება პროგრამირებასა და თამაშების შექმნაში, ძრავა Unity-ის გამოყენებით.
„ყოველთვის ვეძებდი ქართულ გაკვეთილებს, თუმცა ამ განხრით, სამწუხაროდ, ცოტა ან საერთოდ არ არსებობდა. ამიტომ გადავწყვიტე შემექმნა Youtube-ის არხი და დამეწყო ვიდეოების გადაღება, რათა ქართველი აუდიტორია დამეინტერესებინა თამაშების შექმნითა და პროგრამირებით. საბედნიეროდ, მოვახერხე კიდეც, 2 წელი გავიდა არხის შექმნიდან და დღეისათვის 60-მდე ვიდეოს გადაღება მოვასწარი. 1000+ გამომწერი მყავს, რაც ძალიან მაბედნიერებს და დიდი სურვილი მაქვს, რომ ბევრად მეტმა ქართველმა ისწავლოს პროგრამირება. არხის ბმული: https://www.youtube.com/c/Shonia“, - აცხადებს სტუდენტი.
სკოლის დამთავრების შემდეგ არჩევანი ქუთაისის საერთაშორისო უნივერსიტეტზე გააკეთა. თვლის, რომ საკუთარი შესაძლებლობების სათანადოდ რეალიზებას KIU-ში მოახდენს. განსაკუთრებით მოსწონს უნივერსიტეტის TUM-თან თანამშრომლობა და გერმანული საგანმანათლებლო მოდელი. იმედი აქვს, რომ ჩაერთვება გაცვლით პროგრამებში.
„KIU-ს თანამშრომლობა ევროპის წამყვან ტექნიკურ უნივერსიტეტთან (TUM) საუკეთესო შესაძლებლობაა ქართველი სტუდენტისთვის. ჩვენ გვასწავლიან უცხოელი და ქართველი პროფესიონალები. სწავლა ინგლისურ ენაზე მიმდინარეობს. უნივერსიტეტი საშუალებას გვაძლევს, ვიცხოვროთ კეთილმოწყობილ კამპუსში, ადრეული ასაკიდან შევეჩვიოთ დამოუკიდებლად ცხოვრებას“, - დემეტრე შონია
როგორც ახალგაზრდა სტუდენტი აცხადებს, აბიტურიენტობისას თანამშრომლობის მიზნით მას დაუკავშირდა ინფორმაციული ტექნოლოგიების ცენტრი „მზიური”, რათა ემუშავა ლექტორად და ესწავლებინა თამაშების შექმნა.
გამომდინარე იქედან, რომ ძალიან სურდა KIU-ში ჩაბარება და ამისათვის სათანადოდ მომზადება იყო საჭირო, დროებით უარი თქვა შეთავაზებაზე. იმედი აქვს, ახლო მომავალში შეძლებს მათთან თანამშრომლობას ონლაინ ფორმატში.
ინოვატორი და მიზანდასახული ბიჭი თბილისის N162 საჯარო სკოლაში სწავლობდა. სკოლის პერიოდში უმაღლესი აკადემიური მოსწრების გამო დაჯილდოებულია ოქროს მედლითა და ლეპტოპით. დემეტრე საგანმანათლებლო კონკურსებშიც აქტიურად იღებდა მონაწილეობას. რამდენიმე თვის წინ, მეგობრებთან ერთად სტარტაპ კონკურსში ჩაერთო, სადაც პროექტი - „bikesee" წარადგინა და მეორე ადგილი დაიკავა. ეს არის სტარტაპი, რომლის შექმნის მთავარი მიზანია ეკოლოგიაზე ზრუნვა და ჯანსაღი ცხოვრების წესის პოპულარიზაცია. ახალგაზრდებს სურთ, ქალაქში განათავსონ ველოსატრანსპორტო პუნქტები, რომელიც ხელმისაწვდომი იქნება ყველასთვის. მათი სერვისებით სარგებლობა კი, შესაძლებელი იქნება აპლიკაციითა და საბარათე სისტემით. ასევე, ნებისმიერ დაინტერესებულ პირს საშუალება ექნება, გახდეს მათი პარტნიორი და წამოწყება გახადოს ფულადი შემოსავალი.
დემეტრე გახლავთ „ეტალონის“ რამდენიმე გზის მონაწილეც. ფლობს ინგლისურ და რუსულ ენებს. პატარაობიდანვე აინტერესებდა STEM დარგები, შესაბამისად, ეს სფერო მისი ცხოვრების მნიშვნელოვან ნაწილად იქცა.
„ბავშვობიდან მსურდა საკუთარი ვიდეო თამაშების შექმნა. სწორედ ამიტომ, 15 წლის ასაკში დავიწყე პროგრამირების შესწავლა. ეს სფერო იმდენად შემიყვარდა, რომ გადავწყვიტე მექცია ჩემს პროფესიად და მთელი ცხოვრების განმავლობაში მეკეთებინა ეს საქმე“, - აცხადებს დემეტრე შონია.
ამჟამად, შპს „ჰეფი ბეთში” (Happy Bat) ონლაინ თამაშების დეველოპერად მუშაობს. აქვს 3-წლიანი გამოცდილება პროგრამირებასა და თამაშების შექმნაში, ძრავა Unity-ის გამოყენებით.
„ყოველთვის ვეძებდი ქართულ გაკვეთილებს, თუმცა ამ განხრით, სამწუხაროდ, ცოტა ან საერთოდ არ არსებობდა. ამიტომ გადავწყვიტე შემექმნა Youtube-ის არხი და დამეწყო ვიდეოების გადაღება, რათა ქართველი აუდიტორია დამეინტერესებინა თამაშების შექმნითა და პროგრამირებით. საბედნიეროდ, მოვახერხე კიდეც, 2 წელი გავიდა არხის შექმნიდან და დღეისათვის 60-მდე ვიდეოს გადაღება მოვასწარი. 1000+ გამომწერი მყავს, რაც ძალიან მაბედნიერებს და დიდი სურვილი მაქვს, რომ ბევრად მეტმა ქართველმა ისწავლოს პროგრამირება. არხის ბმული: https://www.youtube.com/c/Shonia“, - აცხადებს სტუდენტი.
სკოლის დამთავრების შემდეგ არჩევანი ქუთაისის საერთაშორისო უნივერსიტეტზე გააკეთა. თვლის, რომ საკუთარი შესაძლებლობების სათანადოდ რეალიზებას KIU-ში მოახდენს. განსაკუთრებით მოსწონს უნივერსიტეტის TUM-თან თანამშრომლობა და გერმანული საგანმანათლებლო მოდელი. იმედი აქვს, რომ ჩაერთვება გაცვლით პროგრამებში.
„KIU-ს თანამშრომლობა ევროპის წამყვან ტექნიკურ უნივერსიტეტთან (TUM) საუკეთესო შესაძლებლობაა ქართველი სტუდენტისთვის. ჩვენ გვასწავლიან უცხოელი და ქართველი პროფესიონალები. სწავლა ინგლისურ ენაზე მიმდინარეობს. უნივერსიტეტი საშუალებას გვაძლევს, ვიცხოვროთ კეთილმოწყობილ კამპუსში, ადრეული ასაკიდან შევეჩვიოთ დამოუკიდებლად ცხოვრებას“, - დემეტრე შონია
როგორც ახალგაზრდა სტუდენტი აცხადებს, აბიტურიენტობისას თანამშრომლობის მიზნით მას დაუკავშირდა ინფორმაციული ტექნოლოგიების ცენტრი „მზიური”, რათა ემუშავა ლექტორად და ესწავლებინა თამაშების შექმნა.
გამომდინარე იქედან, რომ ძალიან სურდა KIU-ში ჩაბარება და ამისათვის სათანადოდ მომზადება იყო საჭირო, დროებით უარი თქვა შეთავაზებაზე. იმედი აქვს, ახლო მომავალში შეძლებს მათთან თანამშრომლობას ონლაინ ფორმატში.
სკოლების სიახლეები
