როგორ მიმდინარეობს სასწავლო პროცესი, რას ფიქრობს კომპლექსურ დავალებებთან და სწავლების ამ ფორმატთან დაკავშირებით, როგორია ვაქცინირებულ პედაგოგთა რაოდენობა, ამ და სხვა საკითხებთან დაკავშირებით Etaloni.ge-სთან დედოფლისწყაროს მუნიციპალიტეტის სოფელ ქვემო ქედის საჯარო სკოლის დირექტორმა  ლელა დარძულმა ისაუბრა.

- როგორ მიმდინარეობს თქვენ სკოლაში სასწავლო პროცესი? ამ ეტაპისთვის სწავლების რომელ ფორმაზე ხართ (დასწრებითი, დისტანციური თუ ჰიბრიდული)? როგორია მოსწავლეთა და მშობელთა განწყობა არსებული ეპიდვითარების გათვალისწინებით? 

- ამ ეტაპზე ჩვენი სკოლა სწავლების დასწრებულ რეჟიმზე იმყოფება. მოსწავლეთა და მშობელთა განწყობაც ოპტიმისტურია.

- ხშირად აზრთა სხვადასხვაობაა კომპლექსური დავალებების საკითხზე. თქვენ რამდენად მოგწონთ დავალებების ეს ფორმატი? მასწავლებლებს? მშობლების დამოკიდებულება როგორია სწავლების მსგავსი მეთოდის მიმართ? 
- ჩვენი აზრით, კომპლექსური დავალებების ხანგრძლივობა პროგრამით გათვალისწინებული სხვა აუცილებელი თემების შესწავლის ხარისხს აქვეითებს. მშობლებსაც მიაჩნიათ, რომ საინტერესო გაკვეთილებისთის თემები უნდა იცვლებოდეს.

- პანდემიიდან გამომდინარე მიმდინარე სასწავლო წელს ძირითადად რა სახის აქტივობა-ღონისძიებებითაა თქვენი სკოლა დატვირთული?

- ამ იძულებითი შეზღუდვების გამო, ჩვენი სკოლა ახდენს  ჯანსაღი ცხოვრების წესის გააქტიურებას. სპორტული ღონისძიებებისა და შემეცნებითი კონკურსების ჩატარებას და დაგეგმილი გვაქვს სკოლის ეზოში გამწვანებითი სამუშაოების ჩატარება.

- როგორც მშობლები აღნიშნავენ, არსებული სიტუაციის და მისგან გამომდინარე გაცდენებისა თუ სწავლების ფორმატის გათვალისწინებით მოსწავლეებს ხშირად ექმნებათ სასწავლო პროგრამის ათვისების სირთულე. რამდენად ემხრობით (ან აპირებთ) მსგავს შემთხვევებში სასწავლო დღედ გამოყენებული იქნას შაბათი დღე?
- ჩვენი აზრით, შაბათი დღის სასწავლო დღედ გამოყენება გაუმართლებელია. უმჯობესია, ონლაინ შეხვედრებით მოხდეს არსებული სირთულეების გამარტივება.

- როგორია თქვენ სკოლაში აცრილ მასწავლებელთა (სასკოლო საზოგადოების) პროცენტულობა და თუ ფლობთ ინფორმაციას მშობლების ვაქცინაციის მაჩვენებლის შესახებ?

- მასწავლებელთა 78% აცრილია, მშობელთა ვაქცინაციის მაჩვენებლის შესახებ ინფორმაცია არ მაქვს.