როგორ მიმდინარეობს სასწავლო პროცესი, რას ფიქრობს კომპლექსურ დავალებებთან და სწავლების ამ ფორმატთან დაკავშირებით, როგორია ვაქცინირებულ პედაგოგთა რაოდენობა, ამ და სხვა საკითხებთან დაკავშირებით Etaloni.ge-სთან წყალტუბოს მუნიციპალიტეტის სოფელ გუბისწყლის საჯარო სკოლის დირექტორი ნინო ჯოჯუა საუბრობს.

- როგორ მიმდინარეობს თქვენ სკოლაში სასწავლო პროცესი? ამ ეტაპისთვის სწავლების რომელ ფორმაზე ხართ (დასწრებითი, დისტანციური თუ ჰიბრიდული)? როგორია მოსწავლეთა და მშობელთა განწყობა არსებული ეპიდვითარების გათვალისწინებით?

 - ჩვენს სკოლაში სასწავლო პროცესი, ეპიდვითარებიდან გამომდინარე, რეგულაციების დაცვით, წყნარ და მშვიდ გარემოში მიმდინარეობს. ამჟამად, ვიმყოფებით სწავლების დასწრებულ ფორმაზე. მოსწავლეთა და მშობელთა განწყობა ნორმალურია.

- ხშირად აზრთა სხვადასხვაობაა კომპლექსური დავალებების საკითხზე. თქვენ რამდენად მოგწონთ დავალებების ეს ფორმატი? მასწავლებლებს? მშობლების დამოკიდებულება როგორია სწავლების მსგავსი მეთოდის მიმართ?

 - ჩემი აზრით, ნორმალურია. მოსწონთ მასწავლებლებსაც. მშობლები კმაყოფილები არიან.

- პანდემიიდან გამომდინარე მიმდინარე სასწავლო წელს ძირითადად რა სახის აქტივობა-ღონისძიებებითაა თქვენი სკოლა დატვირთული?

 - გვაქვს რამდენიმე საინტერესო აქტივობა.

- როგორც მშობლები აღნიშნავენ, არსებული სიტუაციის და მისგან გამომდინარე გაცდენებისა თუ სწავლების ფორმატის გათვალისწინებით მოსწავლეებს ხშირად ექმნებათ სასწავლო პროგრამის ათვისების სირთულე. რამდენად ემხრობით (ან აპირებთ) მსგავს შემთხვევებში სასწავლო დღედ გამოყენებული იქნას შაბათი დღე?

 - ჩვენს სკოლაში, არცერთ მოსწავლეს არ ექმნება პროგრამის ათვისების სირთულე, აქედან გამომდინარე, არ ვემხრობი, შაბათი დღის სასწავლო დღედ გამოყენებას.

- როგორია თქვენ სკოლაში აცრილ მასწავლებელთა (სასკოლო საზოგადოების) პროცენტულობა და თუ ფლობთ ინფორმაციას მშობლების ვაქცინაციის მაჩვენებლის შესახებ?

 - აცრილ მასწავლებელთა პროცენტულობა მაღალია. მშობელთა ვაქცინაციის მაჩვენებელიც ნორმალურია.