როგორ მიმდინარეობს სასწავლო პროცესი, რას ფიქრობს კომპლექსურ დავალებებთან და სწავლების ამ ფორმატთან დაკავშირებით, როგორია ვაქცინირებულ პედაგოგთა რაოდენობა, ამ და სხვა საკითხებთან დაკავშირებით Etaloni.ge-სთან ქობულეთის მუნიციპალიტეტის სოფელ ზედა სამების საჯარო სკოლის დირექტორი მზემზე კახიძე საუბრობს.

- როგორ მიმდინარეობს თქვენ სკოლაში სასწავლო პროცესი ? ამ ეტაპისთვის სწავლების რომელ ფორმაზე ხართ (დასწრებითი, დისტანციური თუ ჰიბრიდული) ? როგორია მოსწავლეთა და მშობელთა განწყობა არსებული ეპიდვითარების გათვალისწინებით ?

- ამჟამად დამაკმაყოფილებლად, ვინაიდან სწავლება დასწრებითია;მოსწავლეებს და მშობლებს რა თქმა უნდა დისტანციური სწავლება არ სურთ, მაგრამ მაინც ეშინიათ.

- ხშირად აზრთა სხვადასხვაობაა კომპლექსური დავალებების საკითხზე. თქვენ რამდენად მოგწონთ დავალებების ეს ფორმატი ? მასწავლებლებს ? მშობლების დამოკიდებულება როგორია სწავლების მსგავსი მეთოდის მიმართ ?

- კომპლექსური დავალებების შეფასებას მოვახდენ დირექტორად მუშაობის, პედაგოგიური და ოჯახის დღევანდელი პრაქტიკიდან და გამოცდილებიდან გამომდინარე. კომპლექსური დავალების შესრულებას ახალი სახელმძღვანელოებების მიხედვით (VIII,  IX კლასი) შეძლებს რამდენიმე მოსწავლე, ისიც გონიერი მშობლის ან მასწავლებლის დახმარებით. პრობლემაა მაღალმთიანი მცირე კონტიგენტიანი სკოლებისთვისაც, სადაც ჯგუფური მუშაობის შესაძლებლობა არ არის.

- პანდემიიდან გამომდინარე მიმდინარე სასწავლო წელს ძირითადად რა სახის აქტივობა-ღონისძიებებითაა თქვენი სკოლა დატვირთული ?

- ნებისმიერი კლასგარეშე მუშაობა ნულამდეა დასული.

- როგორც მშობლები აღნიშნავენ, არსებული სიტუაციის და მისგან გამომდინარე გაცდენებისა თუ სწავლების ფორმატის გათვალისწინებით მოსწავლეებს ხშირად ექმნებათ სასწავლო პროგრამის ათვისების სირთულე. რამდენად ემხრობით (ან აპირებთ) მსგავს შემთხვევებში სასწავლო დღედ გამოყენებული იქნას შაბათი დღე ?

-  შაბათი დღის გამოყენებას არ ვემხრობი, რადგან ძირითადად არაფერი შეიცვლება.

- როგორია თქვენ სკოლაში აცრილ მასწავლებელთა (სასკოლო საზოგადოების) პროცენტულობა და თუ ფლობთ ინფორმაციას მშობლების ვაქცინაციის მაჩვენებლის შესახებ ?

- აუცრელია 12% და მასწავლაბელები უახლოეს მომავალში აიცრებიან.