პრემიერაზე მოსწავლეებმა სცენაზე საინტერესოდ წარმოადგინეს დიდი კლასიკოსის პიესის გმირები. მათივე ხელით შეიქმნა სცენისა და კოსტიუმების ესკიზებიც. დამზადდა აფიშა და შეირჩა მუსიკა. მოზარდები პრემიერისთვის დიდი ინტერესით და მონდომებით ემზადებოდნენ.

პედაგოგ, მარიამ ლიფონავას თქმით, „დარისპანის გასაჭირის“ დადგმა განაპირობა ტექსტუალური მასალის გავლის პერიოდში მოსწავლეთა დაინტერესებამ აღნიშნული პრობლემის მიმართ, რომელიც დასმულია ტექსტში. მოსწავლეები ჯერ გაეცვნენ დ. კლდიაშვილის შემოქმედებას წაიკითხეს მისი მოთხრობები: „სოლომონ მორბელაძე“, „სამანიშვილის დედინაცვალი“ და ბოლოს გადაწყვიტეს გაეცოცხლებინათ „დარისპანის გასაჭირის“ პერსონაჟები.

მე-8 კლასის მოსწავლეების მიერ განსახიერებულმა როლებმა მაყურებელთა დიდი მოწონება დაიმსახურა.