ბოლო კვირის განმავლობაში დისტანციურ სწავლებაზე 81 სკოლა, 379 ცალკეული  კლასი და რისკის ჯგუფის 89 მასწავლებელი ბოლო კვირის განმავლობაში დისტანციურ სწავლებაზე იმყოფებოდა.

განათლებისა და მეცნიერების სამინისტროს ბოლო კვირის მონაცემებით, სკოლებში კოვიდვირუსის გავრცელების მაჩვენებელი შემცირებულია. შვიდი დღის განმავლობაში კორონავირუსი მასწავლებლების 0.5%-ს, ხოლო  მოსწავლეების – 0.2%-ს დაუდასტურდა.

ამ ეტაპისთვის აცრილია მასწავლებელთა და სკოლის ადმინისტრაციის წარმომადგენელთა 71.9%.

„საქართველოს განათლებისა და მეცნიერების სამინისტრო სკოლებში Covid-19-ის ვირუსის  პრევენციის მიზნით აქტიურად მუშაობს სხვადასხვა მიმართულებით, მათ შორის, ინტენსიურად მიმდინარეობს Covid-19-ზე მასწავლებელთა ტესტირება. სკოლებში შექმნილია უსაფრთხო გარემო და მაქსიმალურად არის დაცული ჯანდაცვის სფეროს რეკომენდაციები“, - აღნიშნულია უწყების მიერ გავრცელებულ განცხადებაში.