სასკოლო საზოგადოებაში მთავარი კითხვა სწავლის დაწყების დროს უკავშირდება, დაუბრუნდებიან თუ არა მოსწავლეები და მასწავლებლები სკოლებს 17 იანვრიდან? - ამ კითხვით სულ უფრო მეტი მოქალაქე  მომართავს etaloni.ge-ს, ამიტომაც გადავწყვიტეთ საკითხი განათლების სამინისტროში დაგვეზუსტებინა.

როგორც უწყებაში განგვიცხადეს, სწავლა იმავე ფორმატით გაგრძელდება და მოსწავლეები 2021-2022 სასწავლო წლის მეორე სემესტრში საკლასო ოთახებში დაბრუნდებიან. 

თუმცა გასათვალისწინებელია, რომ ქვეყანაში ეპიდემიოლოგიური ვითარება არცთუ სტაბილურია, ვირუსი ყოველდღიურად კვლავ 3000-მდე მოქალაქეს უდასტურდება, ამიტომ ახლა ყველაფერი მთავრობის გადაწყვეტილებაზეა დამოკიდებული, მით უმეტეს, ხშირად სამინისტროსგან დამოუკიდებლად საკოორდინაციო საბჭოს სხდომაზე იღებენ მნიშვნელოვან გადაწყვეტილებებს.