საქართველოს ჯანდაცვის მინისტრმა, ზურაბ აზარაშვილმა განაცხადა, თუ იქნება ეპიდემიოლოგების რეკომენდაცია საკოორდინაციო საბჭო სკოლებისა და ბაღების საკითხზე იმსჯელებსო. შესაბამისად, გაჩნდა მოლოდინი, რომ სკოლების თუ არა, საბავშო ბაღების დახურვის გადაწყვეტილებას მაინც მიიღებდა მთავრობა.
მით უმეტეს, მხოლოდ 31 იანვრის მონაცემებით, თბილისის მასშტაბით, 186 ბაღიდან, 105 სრულად დაიკეტა - ვირუსი 421 თანამშრომელსა და 120 აღსაზრდელს დაუდასტურდა.
თუმცა საკოორდინაციო საბჭოს დასრულებისთანავე, ბრიფინგზე ჯანდაცვის მინისტრის მოადგილემ, თამარ გაბუნიამ ხაზგასმით აღნიშნა, რომ სწავლა გაგრძელდება ისე, როგორც აქამდე - მთავრობამ ბაღების დახურვის გადაწყვეტილება არ მიიღო და სააღმზრდელო პროცესიც იმავე რეჟიმში წარიმართება.
იხილეთ ასევე:
კოვიდი ბაღის 421 თანამშრომელს და 120 აღსაზრდელს დაუდასტურდა - ბაღების უმეტესობა დაკეტილია
„სწავლა გაგრძელდება იმ ფორმატში, რა ფორმატშიც ახლა მიმდინარეობს“