ტესტირებაზე დაცული იქნება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ შემუშავებული რეკომენდაციები. მოხდება თერმოსკრინინგის გავლა, ხელების დამუშავება, შესაბამისი დისტანციის დაცვა -  ყოველი სამუშაო მაგიდა წინა მხრიდან აღჭურვილი იქნება გამჭვირვალე დამცავი ფარით/ბარიერით. 

 

გამოსაცდელებმა თან უნდა იქონიონ პირადობის დამადასტურებელი დოკუმენტი ან პასპორტი და პირბადე, რომელიც უნდა ეკეთესო მუდმივად. ტესტურ დავალებაზე მუშაობის პროცესში ცენტრი მათ უზრუნველყოფს შესაბამისი კალმითა და სხვა საჭირო ნივთებით. გამოსაცდელს შეუძლია, შავი სამუშაოს შესასრულებლად გამოიყენოს ტესტის ბუკლეტი, რომელიც შემდეგ რჩება საგამოცდო სექტორში. ტესტის ბუკლეტი აპლიკანტის შეფასებისას მხედველობაში არ მიიღება.

 

გამოცდის ხანგრძლივობაა 2 საათი და 30 წუთი. მისი წარმატებით ჩაბარება გულისხმობს ტესტისთვის განსაზღვრული მაქსიმალური ქულის 50%-ზე მეტის (მინიმუმ 23 ქულის) დაგროვებას. 

 

გამოცდაზე თითოეულ ნაწილში შესასრულებლად გექნებათ 15 დავალება. ტესტი შედგება 45 არჩევითპასუხებიანი ტესტური დავალებისაგან. თითოეულ დავალებას აქვს 5 სავარუდო პასუხი, რომელთაგან მხოლოდ ერთი არის სწორი. სწორი პასუხი ფასდება 1 ქულით, ხოლო არასწორი პასუხი - 0 ქულით. 

 

შედეგების ნახვა შესაძლებელი იქნება ვებგვერდზე: online.naec.ge იმ პაროლის გამოყენებით, რომელსაც გამოცდის დღეს ცენტრის თანამშრომელი გადასცემს მონაწილეს.

 

• წყალი (პლასტმასის ბოთლით);
• პირადი ჰიგიენის ნივთები;
• პირადობის დამადასტურებელი დოკუმენტი;
• საჭიროების შემთხვევაში, სხვა ნივთები, ცენტრის თანხმობით.

გამოცდის პროცედურის დადგენილი წესის დარღვევის ფაქტის თაობაზე გამოსაცდელს შეუძლია ცენტრს მომართოს საპრეტენზიო განაცხადით. საპრეტენზიო განაცხადები მიიღება გამოცდის დღის 20:00 საათამდე მისამართზე: ქ. თბილისი, ე. მინდელის N9.