„ვებინარი დაეხმარება პედაგოგებს, შეადგინონ კომპლექსური დავალებები“ - მასწავლებლის სახლი
16-02-2022
მასწავლებელთა პროფესიული განვითარების ეროვნული ცენტრი 22 თებერვალს, 19:00 საათზე გეოგრაფიის მასწავლებლებს სთავაზობს ვებინარს თემაზე – „საქართველოს ბუნების ღირსშესანიშნაობები“. ონლაინ ღონისძიებას ცენტრის გეოგრაფიის ექსპერტ-კონსულტანტი მაია ბლიაძე გაუძღვება, ვებინარის სტუმარი კი, გეოგრაფიის დოქტორი, თსუ-ს ასისტენტ-პროფესორი, გიორგი დვალიშვილი იქნება.
ვებინარის ფარგლებში მონაწილეები გაეცნობიან საქართველოს ტერიტორიაზე მდებარე იშვიათ და უნიკალურ ბუნების ძეგლებს – მღვიმეებს, ხეობებს, ტბებს, კანიონებს, სვეტებს და სხვა. აღსანიშნავია, რომ დღევანდელი მდგომარეობით (IUCN-ის კრიტერიუმების მიხედვით) ქვეყნის მასშტაბით ასეთი 41 ბუნების ძეგლია.
ვებინარი დაეხმარება მასწავლებლებს, შეადგინონ საინტერესო კომპლექსური დავალებები და სხვადასხვა საგანმანათლებლო აქტივობის განხორციელებით საგაკვეთილო პროცესი მოსწავლეებისთვის უფრო მრავალფეროვანი გახადონ.
იხილეთ ონლაინ შეხვედრის ბმული
სკოლების სიახლეები
