დაავადებათა კონტროლის ეროვნული ცენტრის მიერ ბოლო პერიოდში გავრცელებული ინფორმაციით, საქართველოში ვირუსის მაჩვენებელმა საგრძნობლად იკლო. არსებული, გამოსწორებული ეპიდსიტუაცია კი პირდაპირ აისახა მოსწავლეთა სწავლის ფორმატის ცვლილებაზე. განათლების მართვის საინფორმაციო სისტემის სტატისტიკური მაჩვენებლის მიხედვით, კვირიდან კვირამდე სულ უფრო ნაკლები მოსწავლე გადადის დისტანციურ სწავლებაზე.

3 მარტის მონაცემებით, სწავლის ონლაინ ფორმატზე გადასასვლელად რეგისტრაცია სულ რაღაც 493-მა მოსწავლემ გაიარა, ხოლო დისტანციურიდან სკოლაში დაბრუნების სურვილი კიდევ 7340-მა მოსწავლემ გამოთქვა.

სწავლების ფორმატის მსურველებს რეგისტრაცია  შეუძლიათ ყოველ ხუთსაბათს 00:00 – 18:00 საათის შუალედში საიტიდან - https://online.emis.ge.