„თუ რუსეთის მასწავლებლები მიესალმებიან პუტინის პოლიტიკას, მათი ადგილი ჩვენს გვერდით არ არის“ - მაია კობახიძე
07-03-2022
უკრაინის განათლების პროფკავშირი რუსეთის განათლების პროფკავშირის მასწავლებელთა საერთაშორისო პროფკავშირული მოძრაობიდან გარიცხვას მოითხოვს და მათ უკვე მიმართეს საერთაშორისო ორგანიზაციის შესაბამის სტრუქტურებს.
საქართველოს პედაგოგთა და მეცნიერთა პროფკავშირი მსოფლიოს მასწავლებელთა საერთაშორისო ორგანიზაციის ,,განათლების ინტერნაციონალის“, რეგიონალური სტრუქტურის - „ევროპის მასწავლებელთა პროფკავშირის“ წევრი გახლავთ, საქართველოს პედაგოგთა პროფკავშირის პრეზიდენტი, მაია კობახიძე ევროპის მასწავლებელთა საერთაშორისო ორგანიზაციის გადაწყვეტილების მიმღები ორგანოს წევრია.
საინტერესოა, რა პროცედურების გავლა იქნება საჭირო უკრაინელი პედაგოგების მოთხოვნის დასაკმაყოფილებლად. ამ კითხვით Etaloni.ge-მ საქართველოს პედაგოგთა და მეცნიერთა თავისუფალი პროფკავშირის პრეზიდენტს მაია კობახიძეს მიმართა, რომელმაც ღიად დააფიქსირა საკუთარი პოზიცია და იმაზეც ისაუბრა, დაუჭერს თუ არა საქართველო მხარს უკრაინის განათლების სფეროში დასაქმებულთა პროფკავშირის მოთხოვნას:
„პროფკავშირის ფუნდამენტური ღირებულებებიდან გამომდინარე, პროფკავშირი წარმომადგენლობითი ორგანიზაციაა, იცავს წევრთა უფლებებს და გამოხატავს მათ ინტერესებს, ყველა დონეზე. ნებისმიერი ქვეყნის პროფკავშირის ლიდერი ვალდებულია, გადაწყვეტილების მიღების ან პოზიციის გამოხატვის პროცესში იხელმძღვანელოს წევრთა ინტერესებიდან გამომდინარე. ღრმად მწამს, რუსეთის ფედერაციის პროფკავშირის წევრების დიდი ნაწილი არ მიესალმება პუტინის პოლიტიკას. ამიტომ რუსეთის პროფკავშირების ლიდერებმა პასუხი უნდა აგონ იმ განცხადებაზე, რაც გაავრცელეს საკუთარ ოფიციალურ ვებ-გვერდებზე.
მაშინ როდესაც რუსეთის მოქალაქეები, მათ შორის მასწავლებლები, ხელმოწერებს აგროვებენ ომის შეწყვეტასთან დაკავშირებით, პროფკავშირის ლიდერები მიესალმებიან პუტინის პოლიტიკას? თუ ეს არის რუსეთის დასაქმებულთა განწყობა, მაშინ მათი ადგილი არ არის საერთაშორისო პროფკავშირულ მოძრაობაში!
ვიმეორებ - პროფკავშირი აპოლიტიკური ორგანიზაციაა! რუსეთის პროფკავშირის ლიდერებმა გააკეთეს პოლიტიკური განცხადება, რითაც შელახეს პროფკავშირის ფუნდამენტური ღირებულებები. ჩვენ ვგმობთ პუტინის აგრესიას და მისი პოლიტიკის მხარდაჭერა, რუსეთის პროფკავშირების ლიდერების მხრიდან ჩვენთვის კატეგორიულად მიუღებელია“!
რაც შეეხება კითხვას, დაუჭერს თუ არა საქართველო რუსეთის პედაგოგთა პროფკავშირის გარიცხვას საერთაშორისო ორგანიზაციიდან, მაია კობახიძემ აღნიშნა, რომ უახლოეს მომავალში შედგება ევროპის მასწავლებელთა პროფკავშირის კომიტეტის სხდომა, რომლის წევრი არის ევროპის 47 ქვეყნის მასწავლებელთა პროფკავშირის ლიდერი. იმოქმედებენ პარტნიორ ორგანიზაციებთან ერთად, მოისმენენ რუსეთის განათლების პროფკავშირის ლიდერის განმარტებებს და თუ მათი პოზიცია იქნება მათი წევრი პედაგოგების პოზიციის იდენტური, საქართველო მხარს დაუჭერს მათ გარიცხვას.
აქვე საინტერესოა, თუ არსებობს, საერთაშორისო ორგანიზაციებიდან რომელიმე ქვეყნის განათლების პროფკავშირის გარიცხვის პრეცედენტი?
„დიახ, არის ასეთი შემთხვევა (თავს ვიკავებ ამ ქვეყნის დასახელებისგან), რომელიც გაირიცხა, იმ მოტივით, რომ არ წარმოადგენდა მასწავლებელთა ინტერესებს და ემსახურებოდა ხელისუფლების მოთხოვნებს. იგივე ქვეყნის მეორე პროფკავშირი წევრია, რომლის დაცვისათვის საერთაშორისო ორგანიზაციის წარმომადგენლობას დიდი ძალისხმევა დასჭირდა, რადგან დამოუკიდებელი პროფკავშირი განიცდიდა ხელისუფლების ზეწოლას, ხოლო მისი ლიდერები - რეპრესიებს" - აღნიშნავს მაია კობახიძე.
როგორ განვითარდება მოვლენები და გარიცხავენ თუ არა რუსეთის პედაგოგთა პროფკავშირს საერთაშორისო ორგანიზაციიდან, უახლოეს მომავალში გამოჩნდება. საქართველოს პედაგოგთა და მეცნიერთა თავისუფალი პროფკავშირის პოზიცია კი ცალსახაა - ის გმობს რუსეთის აგრესიულ ქმედებებს, რუსეთის პროფკავშირების ლიდერების განცხადებას და სოლიდარულია უკრაინელი მასწავლებლების. უკრაინელი ხალხის მიმართ.
საქართველოს პედაგოგთა და მეცნიერთა პროფკავშირი მსოფლიოს მასწავლებელთა საერთაშორისო ორგანიზაციის ,,განათლების ინტერნაციონალის“, რეგიონალური სტრუქტურის - „ევროპის მასწავლებელთა პროფკავშირის“ წევრი გახლავთ, საქართველოს პედაგოგთა პროფკავშირის პრეზიდენტი, მაია კობახიძე ევროპის მასწავლებელთა საერთაშორისო ორგანიზაციის გადაწყვეტილების მიმღები ორგანოს წევრია.
საინტერესოა, რა პროცედურების გავლა იქნება საჭირო უკრაინელი პედაგოგების მოთხოვნის დასაკმაყოფილებლად. ამ კითხვით Etaloni.ge-მ საქართველოს პედაგოგთა და მეცნიერთა თავისუფალი პროფკავშირის პრეზიდენტს მაია კობახიძეს მიმართა, რომელმაც ღიად დააფიქსირა საკუთარი პოზიცია და იმაზეც ისაუბრა, დაუჭერს თუ არა საქართველო მხარს უკრაინის განათლების სფეროში დასაქმებულთა პროფკავშირის მოთხოვნას:
„პროფკავშირის ფუნდამენტური ღირებულებებიდან გამომდინარე, პროფკავშირი წარმომადგენლობითი ორგანიზაციაა, იცავს წევრთა უფლებებს და გამოხატავს მათ ინტერესებს, ყველა დონეზე. ნებისმიერი ქვეყნის პროფკავშირის ლიდერი ვალდებულია, გადაწყვეტილების მიღების ან პოზიციის გამოხატვის პროცესში იხელმძღვანელოს წევრთა ინტერესებიდან გამომდინარე. ღრმად მწამს, რუსეთის ფედერაციის პროფკავშირის წევრების დიდი ნაწილი არ მიესალმება პუტინის პოლიტიკას. ამიტომ რუსეთის პროფკავშირების ლიდერებმა პასუხი უნდა აგონ იმ განცხადებაზე, რაც გაავრცელეს საკუთარ ოფიციალურ ვებ-გვერდებზე.
მაშინ როდესაც რუსეთის მოქალაქეები, მათ შორის მასწავლებლები, ხელმოწერებს აგროვებენ ომის შეწყვეტასთან დაკავშირებით, პროფკავშირის ლიდერები მიესალმებიან პუტინის პოლიტიკას? თუ ეს არის რუსეთის დასაქმებულთა განწყობა, მაშინ მათი ადგილი არ არის საერთაშორისო პროფკავშირულ მოძრაობაში!
ვიმეორებ - პროფკავშირი აპოლიტიკური ორგანიზაციაა! რუსეთის პროფკავშირის ლიდერებმა გააკეთეს პოლიტიკური განცხადება, რითაც შელახეს პროფკავშირის ფუნდამენტური ღირებულებები. ჩვენ ვგმობთ პუტინის აგრესიას და მისი პოლიტიკის მხარდაჭერა, რუსეთის პროფკავშირების ლიდერების მხრიდან ჩვენთვის კატეგორიულად მიუღებელია“!
რაც შეეხება კითხვას, დაუჭერს თუ არა საქართველო რუსეთის პედაგოგთა პროფკავშირის გარიცხვას საერთაშორისო ორგანიზაციიდან, მაია კობახიძემ აღნიშნა, რომ უახლოეს მომავალში შედგება ევროპის მასწავლებელთა პროფკავშირის კომიტეტის სხდომა, რომლის წევრი არის ევროპის 47 ქვეყნის მასწავლებელთა პროფკავშირის ლიდერი. იმოქმედებენ პარტნიორ ორგანიზაციებთან ერთად, მოისმენენ რუსეთის განათლების პროფკავშირის ლიდერის განმარტებებს და თუ მათი პოზიცია იქნება მათი წევრი პედაგოგების პოზიციის იდენტური, საქართველო მხარს დაუჭერს მათ გარიცხვას.
აქვე საინტერესოა, თუ არსებობს, საერთაშორისო ორგანიზაციებიდან რომელიმე ქვეყნის განათლების პროფკავშირის გარიცხვის პრეცედენტი?
„დიახ, არის ასეთი შემთხვევა (თავს ვიკავებ ამ ქვეყნის დასახელებისგან), რომელიც გაირიცხა, იმ მოტივით, რომ არ წარმოადგენდა მასწავლებელთა ინტერესებს და ემსახურებოდა ხელისუფლების მოთხოვნებს. იგივე ქვეყნის მეორე პროფკავშირი წევრია, რომლის დაცვისათვის საერთაშორისო ორგანიზაციის წარმომადგენლობას დიდი ძალისხმევა დასჭირდა, რადგან დამოუკიდებელი პროფკავშირი განიცდიდა ხელისუფლების ზეწოლას, ხოლო მისი ლიდერები - რეპრესიებს" - აღნიშნავს მაია კობახიძე.
როგორ განვითარდება მოვლენები და გარიცხავენ თუ არა რუსეთის პედაგოგთა პროფკავშირს საერთაშორისო ორგანიზაციიდან, უახლოეს მომავალში გამოჩნდება. საქართველოს პედაგოგთა და მეცნიერთა თავისუფალი პროფკავშირის პოზიცია კი ცალსახაა - ის გმობს რუსეთის აგრესიულ ქმედებებს, რუსეთის პროფკავშირების ლიდერების განცხადებას და სოლიდარულია უკრაინელი მასწავლებლების. უკრაინელი ხალხის მიმართ.
სკოლების სიახლეები
