როგორ უნდა გაიზარდოს მასწავლებლის მოტივაცია კომპლექსური დავალებების შექმნაში? - სამინისტროს ექსპერტი
16-03-2022
როგორ ხედავთ „კომპლექსური დავალებების“ შექმნაში მასწავლებლების ჩართულობის გაზრდის სტიმულის მექანიზმებს, რომ მასწავლებლებმა თავად შექმნან კომპლექსური დავალებები და არ იხელმძღვანელონ მხოლოდ შეთავაზებულით? - კითხვას განათლებისა და მეცნიერების სამინისტროს ზოგადი განათლების რეფორმის ექსპერტი პასუხობს:
- პირველ რიგში, გვინდა აღვნიშნოთ, რომ თუნდაც შეთავაზებული, კომპლექსური დავალების წარმატებით განხორციელება არის წინაპირობა იმისა, რომ მოსწავლე ჩაერთოს ცოცხალ შემოქმედებით პროცესებში, რაც ყველაზე მნიშნელოვანი და ეფექტური გზაა სწავლის. ასეთი „მზა მაგალითების“ გამოყენება სიახლეების დანერგვის პროცესში ხშირად ეფექტიანია არა მხოლოდ შედეგის მიღების, არამედ პროცესების გააზრების და არსობრივი წვდომის თვალსაზრით. შემოქმედებითი ხედვისათვის საჭიროა მდიდარი და მრავალფეროვანი გამოცდილება. თუ მასწავლებელს ექნება მცდელობები და მხარდაჭერა მის მიერ განხორციელებული კომპლექსური დავალებების ანალიზსა და განავითარებაში, მით უფრო მაღალი იქნება მისი შემოქმედებითობა და შინაგანი მოტივაცია, შექმნას ავთენტური კომპლექსური დავალებები.
სკოლების სიახლეები
