შეხვედრის მიზანი იყო მესტიელი პედაგოგებისთვის ასოციაციის საქმიანობის გაცნობა, საზოგადოებრივ დისციპლინათა სწავლების აქტუალურ საკითხებზე მსჯელობა და ბოლოს, მესტიის №2 სკოლაში ისტორიის კაბინეტის გახსნა. 

შეხვედრაზე სიტყვით გამოვიდნენ მესტიის საგანმანათლებლო რესურსცენტრის ხელმძღვანელი დარეჯან ნიგურიანი, ასოციაციის ვიცე-პრეზიდენტი მანანა შეყილაძე, განათლებისა და მეცნიერების სამინისტროს ეროვნული სასწავლო გეგმების დეპარტამენტის საზოგადოებრივ დისციპლინათა ჯგუფის ხელმძღვანელი თეა ქარჩავა, ასოციაციის რეგიონული ფილიალების ხელმძღვანელები.

ახლადგახსნილ კაბინეტს საჩუქრად გადაეცა კედლის ისტორიული რუკები, სასწავლო კომპაქტ-დისკები, სამეცნიერო და მეთოდური ლიტერატურა.დაიგეგმა მომავალი შეხვედრები პროფესიული განვითარებისა და გამოცდილების გაზიარების მიზნით.

 
ასევე, მესტიელი პედაგოგების ჩართვა ასოციაციის პროექტებში, როგორიცაა კულტურული მემკვიდრეობის დაცვა, „საბავშვო არქეოლოგია“, „ნორჩ ისტორიკოსთა სკოლა“და სხვა.