საინფორმაციო შეხვედრა 31 მარტს, 12:30 საათიდან 13:30 საათამდე Microsoft Teams-ის პროგრამის საშუალებით ჩატარდება და მასზე დასწრება ნებისმიერ მსურველს შეეძლება. იხილეთ ბმული.

 

აბიტურიენტების კითხვებს უპასუხებენ შეფასებისა და გამოცდების ეროვნული ცენტრის დირექტორი სოფიო გორგოძე და ცენტრის საგამოცდო პროცესების მართვის სამსახურის უფროსი მაია გაბუნია. გამოსაცდელები მიიღებენ დეტალურ ინფორმაციას, თუ როგორ და სად უნდა გაიარონ რეგისტრაცია, რომელია ყველაზე ხშირად დაშვებული შეცდომები, რა უნდა გაითვალისწინონ საგანმანათლებლო პროგრამების არჩევისას და სხვ.

 

საინფორმაციო ხასიათის ონლაინ შეხვედრები აბიტურიენტებთან შეფასებისა და გამოცდების ეროვნული ცენტრის ორგანიზებით დეკემბრის თვიდან იმართება. მომდევნო ღია კარის დღის შესახებ ინფორმაცია ცენტრის ვებგვერდზე მომავალი კვირის დასაწყისში განთავსდება.