პარლამენტის პლენარულ სხდომაზე, დეპუტატებმა „განათლების ხარისხის განვითარების შესახებ“ კანონში შესატანი ცვლილებები 74 ხმით მიიღეს.
კანონმდებლებმა საბოლოო - მესამე მოსმენით მიიღეს ასევე თანმდევი კანონპროექტები, კერძოდ, ზოგადი და უმაღლესი განათლების შესახებ კანონებში შესატანი ცვლილებათა პროექტები.
ცვლილებები ითვალისწინებს ზოგადსაგანმანათლებლო დაწესებულებების საგანმანათლებლო პროგრამების აკრედიტაციის გაუქმებას. ცვლილებების თანახმად, საჯარო სამართლის იურიდიული პირი - განათლების ხარისხის განვითარების ეროვნული ცენტრი განახორციელებს ზოგადსაგანმანათლებლო დაწესებულებების ავტორიზაციას. გარდა ამისა, კანონის პროექტით ახლებურად დარეგულირდება სტატუსის მაძიებლის თვითშეფასებასთან, ავტორიზაციის სამართლებრივ შედეგებთან და ავტორიზაციაზე უარის თქმის შესახებ გადაწყვეტილებასთან დაკავშირებული საკითხები.
იხილეთ: სკოლებთან და უმაღლესებთან დაკავშირებით საქართველოს პრეზიდენტმა გადაწყვეტილება მიიღო - ბრძანება ძალაშია
უმაღლესებში კლასტერული აკრედიტაციის დანერგვა კანონით განისაზღვრა
