ხობის N2 საბავშვო ბაგა-ბაღის ადმინისტრაციისა და აღმზრდელ-პედაგოგთა ყურადღების მიღმა არასდროს რჩება მნიშვნელოვანი დღესასწაულები. მეორებაღელებმა არც ამჯერად უღალატეს ტრადიციას და აღსაზრდელთა, თანამშრომელთა და მშობელთა ერთობლივი სააღდგომო კომპოზიციების გამოფენა მოაწყეს.
ბაღში მრავალფეროვანი სააღდგომო დეკორაციები გამოიფინა. გამოფენა შთამბეჭდავი სანახავია.
აღსანიშნავია, რომ საბავშვო ბაღში კარგად იციან თუ რამდენად მნიშვნელოვანია მშობელთა ჩართულობა ბაღის ცხოვრებაში და ურთიერთთანამშრომლობის წასახალისებლად ხშირად აქტივობებსაც გეგმავენ.
„მშობლებთან მუშაობის ერთ-ერთი წარმატებული სტრატეგიაა მისი ჩართვა საგანმანათლებლო პროცესში. ამ ჩართულობით სარგებელს პროცესის მონაწილე ყველა რგოლი იღებს. პირველ რიგში კი - ბავშვი. საბავშვო ბაღში ამ პოზიტიურ ურთიერთობებზე აგებული არაერთი აქტივობა იმართება“,- აღნიშნავენ ხობის N2 საბავშვო ბაგა-ბაღში.
იხილეთ ფოტოები და ვიდეო:
