სასწავლო პროცესის დაგეგმვის 5 ინდიკატორი, რომელიც მასწავლებელმა ყოველდღიურად უნდა გაითვალისწინოს
12-06-2022
მასწავლებლის პროფესიული სტანდარტი პედაგოგთა პროფესიული ვალდებულებების, ცოდნის, უნარ-ჩვევებისა და ღირებულებების ჩამონათვალის ერთობლიობაა, რომელსაც ყველა თანამდებობის მასწავლებელი უნდა აკმაყოფილებდეს.
სტანდარტის მიზანია სკოლაში სწავლისა და სწავლების ხარისხის გაუმჯობესება. დოკუმენტის ერთ-ერთი მუხლი კი სასწავლო პროცესის დაგეგმვას ეხება.
მასწავლებლებმა სასწავლო პროცესის დაგეგმვისას 5 ინდიკატორით უნდა იხელმძღვანელოს. ესენია:
- სხვადასხვა ტიპის საგნობრივი სასწავლო გეგმების ცოდნა და შემუშავება;
- სასწავლო პროცესის დაგეგმვისას კონსტრუქტივიზმის ძირითადი პრინციპებისა და დიფერენცირებული მიდგომების გათვალისწინება;
- კლასგარეშე არაფორმალური აქტივობების დაგეგმვა მოსწავლეთა ინტერესებისა და საჭიროებების გათვალისწინებით;
- სასწავლო პროცესის დაგეგმვისას ინფორმაციულ-საკომუნიკაციო ტექნოლოგიების გამოყენება და ციფრული მოქალაქეობის პრინციპების გათვალისწინება;
- სასწავლო პროცესის დაგეგმვისას ინკლუზიური განათლების პრინციპების გათვალისწინება.
სასწავლო პროცესში არანაკლები ყურადღება ეთმობა სასწავლო რესურსების, ასევე სწავლა-სწავლების სტრატეგიების გამოყენებას. გარდა ამისა, მნიშვნელოვანია მოსწავლეთა ეფექტიანად შეფასება.
სკოლების სიახლეები
