კერძო სკოლებისგან განსხვავებით, საჯარო სკოლებში მოქმედებს ერთიანი სქემა, რომლის მიხედვითაც განსაზღვრულია რომელ კლასეში და რა პრონციპით ისწავლება პირველი, მეორე თუ მესამე უცხოური ენა.

რა სქემით ისწავლება უცხოური ენები?

საჯარო სკოლებში:

• პირველი უცხოური ენა ისწავლება I-XII კლასებში და ეს არის ინგლისური ენა.
• მეორე უცხოური ენა (ეს შეიძლება იყოს ნებისმიერი ენა, გარდა ინგლისურისა) ისწავლება V-XII კლასებში.
• მესამე უცხოური ენა, როგორც არჩევითი საგანი (სურვილისამებრ) ისწავლება X-XII კლასებში.
• საჯარო სკოლა უფლებამოსილია, გამონაკლისის სახით, სამინისტროსთან შეთანხმებით, მეორე უცხოური ენის სწავლება დაიწყოს ნებისმიერი კლასიდან (მათ შორის, დაწყებით საფეხურზე).

რაც შეეხება კერძო სკოლებს, ისინი თავისი სურვილისამებრ გეგმავენ სწავლა-სწავლების პროცესს, მათ შორის უცხოური ენების სწავლების ორგანიზებას და ამ საკითხის შეთანხმება განათლებისა და მეცნიერების სამინისტროსთან არ სჭირდებათ.