დაუნის სინდრომის საერთაშორისო დღესთან დაკავშირებით ახალციხის №5 საჯარო სკოლაში სხვადასხვა აქტივობა გაიმართა. 

ღონისძიებები დირექციისა და სპეციალური მასწავლებლის, ელისო ლებანიძის ინიციატივით ჩატარდა. 

ღონისძიებებში მოსწავლეები დიდი ენთუზიაზმითა და მონდომებით  ჩაერთვნენ.

განსაკუთრებულად იაქტიურეს III^გ, IV^გ,  VIII^ა და  X^ა კლასების მოსწავლეებმა. 

ბავშვებმა დაუნის სინდრომის მქონე ადამიანების მხარდასაჭერად შექმნეს სხვადასხვა სახის ნამუშევრები: პოსტერები, ელექტრონული პრეზენტაციები, ვიდეორგოლები, რომლებსაც აერთიანებდა ყველასათვის კარგად ნაცნობი ფრაზა: „მეგობრები არ ითვლიან ქრომოსომებს“.

გარდა ამისა, სკოლის სპეციალური მასწავლებელი და VIII^ა კლასის მოსწავლეები შეუერთდნენ  ახალციხის პარკში მერიის მიერ დაგეგმილ ღონისძიებას და ასე გამოხატეს მხარდაჭერა „მზის შვილების“ მიმართ.

იხილეთ ფოტოები