კონფერენციების ორგანიზება კომპიუტერული ტექნოლოგიების მხარდამჭერმა ექსპერტებმა განახორციელეს.

ღონისძიებები ონლაინ და ფიზიკურ სივრცეში მოეწყო. მასწავლებლებმა წლის შედეგები შეაჯამეს და კოლეგებს საკუთარი გამოცდილება გაუზიარეს.

გასულ სასწავლო წელს საგანს კომპიუტერული ტექნოლოგიები, ბევრი სიახლე დაემატა. მაგალითად, ალგორითმული აზროვნება, პროგრამირების საწყისები და სხვა.

თუკი ადრე ეს საგანი მხოლოდ V-VI კლასში ისწავლებოდა, ახლა ის II-VI კლასებში ისწავლება.

მნიშვნელოვანია, რომ ახალ ეროვნულ სასწავლო გეგმაში განხორციელებული ცვლიელბების მიხედვით მასწავლებლებიც ამზადებენ საგანმანათლებლო რესურსებს, რომლებიც სახლემძღვანელოებთან ერთად აქტიურად გამოიყენება სკოლებში. ამ პროცესში ძალიან მნიშვნელოვანია გამოცდილების გაზიარება და კოლეგებთან ერთად საუკეთესო პრაქტიკის გამოვლენა.

მიმდინარე კონფერენციებს ტრადიციული სახე ექნება.