ტესტი შედგება 8 დავალებისაგან. N1-N5 დახურული დავალებებია, N6-N8 კი - ღია. პირველი და მეორე დავალება მოსმენის უნარს ამოწმებს, N3-N6 დავალებები კი - კითხვის უნარს, ასევე ლექსიკისა და გრამატიკის ცოდნას, მე-7 და მე-8 დავალებები წერის უნარის შესამოწმებელი დავალებებია. ტესტში სულ 60 საკითხია. ყველა საკითხი, წერის დავალებების გარდა, ფასდება 1 ქულით. წერის პირველი დავალება (წერილი) ფასდება 6 ქულით, მეორე დავალება (თხზულება) – 16 ქულით. ტესტის მაქსიმალური ქულაა 80. საგამოცდო დროის ხანგრძლივობა არის 2 სთ. და 30 წთ.

 

ყურადღებით გაეცანით დავალების პირობას და ჩაწერეთ პასუხი შესაბამის გრაფაში. აბიტურიენტებმა ასევე აუცილებლად უნდა გაითვალისწინონ, რომ არ დაწერონ პასუხების ფურცელზე სახელი და გვარი, ან რაიმე მაიდენტიფიცირებელი ნიშანი. ამ შემთხვევაში დავალება არ გასწორდება და შეფასდება ნული ქულით.

 

ხშირად აბიტურიენტები იყენებენ შაბლონურ ფრაზებს, რასაც არ გირჩევთ. ასეთ ნაშრომში მაღალ შეფასებას ვერ მიიღებთ.

 

დავალება ამოწმებს აზრის წერილობითი სახით გადმოცემის უნარს. აბიტურიენტს მოეთხოვება მოცემული თემის გარშემო 120-150 სიტყვიანი თხზულების დაწერა. თხზულებაში უნდა ჩანდეს აბიტურიენტის უნარი, მკაფიოდ და გასაგებად გამოხატოს საკუთარი პოზიცია დასმული საკითხის გარშემო და გაამყაროს იგი ფაქტებით და არგუმენტებით. მან უნდა გამოიყენოს მოთხოვნის შესაბამისი ლექსიკა და გრამატიკა, წინადადებები ერთმანეთს ლოგიკურად და სტრუქტურულად სწორად დაუკავშიროს. ნაწერი ფასდება ორი კრიტერიუმით: აზრის ლოგიკურად და თანმიმდევრულად გამოხატვის უნარი (fluency) და გრამატიკულ-ლექსიკურ-ორთოგრაფიული სიზუსტე (accuracy). დავალების მაქსიმალური ქულაა 16. ყურადღებით წაიკითხეთ თემის სათაური, შეეცადეთ კარგად გაიგოთ, თუ რას მოითხოვენ თქვენგან. დაფიქრდით და ჩამოაყალიბეთ თქვენი აზრი დასმულ საკითხთან დაკავშირებით. ეცადეთ აზრი მკაფიოდ და ნათლად ჩამოაყალიბოთ. ეს ყველაფერი შავ ფურცელზე ჩამოწერეთ. იმ შემთხვევაში, თუ ორივე მოსაზრებას განიხილავთ და მათ დადებით და უარყოფით მხარეებზე იმსჯელებთ, ქულა არ დაგაკლდებათ, თუმცა, გირჩევთ, რომ მხოლოდ ერთ მოსაზრებაზე იმსჯელოთ. მოთხოვნილი სიტყვების რაოდენობის გათვალისწინებით, ასეთი მიდგომა უფრო კარგად აჩვენებს თქვენი მოსაზრების არგუმენტირებულად გადმოცემის უნარს.

 

ესეში სიტყვების რეკომენდებული რაოდენობაა 120-150. შეგიძლიათ ამაზე ცოტა მეტიც დაწეროთ, მთავარია, არ გადასცდეთ ამ დავალებისათვის გამოყოფილ სივრცეს, რადგან შესაძლოა დასკანერების დროს თქვენი ნაწერი მოიჭრას. შინაარსის მხრივ ყურადღება ექცევა იმას, თუ რამდენად ზუსტად და პირდაპირ პასუხობთ მოცემულ დავალებას. არ არის საჭირო ზოგადი დაზეპირებული ფრაზების ხშირად გამოყენება. მთავარია, პირადი აზრი გასაგებად და არგუმენტირებულად გადმოსცეთ.

 

ნაწერი მაღალი ქულით ფასდება, თუ მოსაზრება კარგად ჩანს, გამოყენებულია მრავალფეროვანი გრამატიკული სტრუქტურები და მდიდარი ლექსიკა. აგრეთვე, თუ სრულად და არგუმენტირებულად პასუხობს დავალებას, შეცდომები არ არის, ან დაშვებულია, მხოლოდ ერთი მართლწერის შეცდომა და სხვ. დეტალები იხილეთ კრებულში.

 

თქვენ უნდა დაეთანხმოთ ან უარყოთ მოცემული მოსაზრება და გაამყაროთ არგუმენტებით პოზიცია.

გაითვალისწინეთ, რომ აუცილებელია ნაწერი იკითხებოდეს, დაიწყეთ ახალი წინადადება დიდი ასოთი და დასვით წერტილი, სადაც საჭიროა. უფრო დეტალურად სასვენი ნიშნების გამოყენებას მნიშვნელობა არ ენიჭება. სასვენ ნიშნებს ექცევა ყურადღება მინიმალურად, თუმცა წერტილის გამორჩენის შემთხვევა სერიოზულ შეცდომად შეიძლება იქნას განხილული.

 

მოსმენისას, ცხადია, ხედავთ დავალებასაც. ისმენთ ტექსტს და ამავე დროს ხედავთ ამ ტექსტთან დაკავშირებულ შეკითხვებს. მოსმენილის მიხედვით, რაც გესმით, თქვენ უნდა მონიშნოთ სწორი პასუხები.

 

კრებულის ელექტრონული ვერსია გამოქვეყნებულია ცენტრის ვებგვერდზე, რაც შეეხება ბეჭდურ ვერსიას, ცენტრს არ აქვს გამოცემები.

 

შეგიძლიათ გამოიყენოთ ამერიკული ინგლისურისთვის დამახასიათებელი ელემენტები, მაგ ლექსიკა ან ორთოგრაფია, მაგრამ გთხოვთ სლენგს ნუ გამოიყენებთ ამ ტიპის ესეში.

 

დიახ, რა თქმა უნდა, შემოკლებული ფორმების გამოყენება შესაძლებელია.

 

არ გირჩევთ, რადგან არაფორმალური სიტყვებია.

 

ყურსასმენები უცხოური ენის გამოცდაზე არ დაგირიგდებათ. საგამოცდო სექტორში ხმის გამაძლიერებლების საშუალებით ისმენს ყველა გამოსაცდელი დავალებას. ტესტი ორი მოსმენის დავალებით იწყება. პირველი შედგება 5 მოკლე ტექსტისგან, მეორე კი - ერთი, შედარებით ვრცელი ტექსტისგან.  დავალების მოსმენა ხდება ორჯერ. 

 

ეს ინფორმაცია მითითებული იქნება ცნობარში აბიტურიენტებისათვის, რომელიც რეგისტრაციის დაწყებისთანავე გამოქვეყნდება და თქვენ შესაძლებლობა გექნებათ ნახოთ, კონკრეტულად რომელ პროგრამაზე როგორი კოეფიციენტი ენიჭება უცხოურ ენას. ყველა უმაღლესი სასწავლო დაწესებულება საკუთარი შეხედულებისამებრ წყვეტს ამ საკითხს.

 

არ არის რეკომენდებული ორი პასუხის ჩაწერა, რადგან, თუ რომელიმე არასწორია, ქულას ვერ მიიღებთ.