„რას ვმატებ საზოგადოებას“ - დაუნის სინდრომის მსოფლიო დღის გზავნილს გავაზის საჯარო სკოლა შეუერთდა. 

დაუნის სინდრომთან დაკავშირებით მოსწავლეებს სკოლის ექიმი ესაუბრა. სკოლის აღსაზრდელებს პრეზენტაციის სახით საინტერესო ინფორმაცია მიაწოდეს ღონისძიების ორგანიზატორმა და მოსწავლეთა თვითმმართველობის თავმჯდომარემ.

მოზადებმა ქაღალდისგან ფერადი წინდები დაამზადეს და ფოტოები გადაიღეს. 
ღონისძიების ორგანიზებაში აქტიურად იყვნენ ჩართულნი ხელოვნების მასწავლებლები, სპეც. პედაგოგები და სსსმ მოსწავლეები.

21 მარტი გაერთიანებული ერების ორგანიზაციის ინიციატივით 2011 წლიდან დაუნის სინდრომის საერთაშორისო დღედ დაწესდა და მსოფლიოს სხვადასხვა ქვეყანაში, მათ შორის საქართველოშიც აღინიშნება.   

მსოფლიო ამ დღეს დაუნის სინდრომის მქონე პირთა წინაშე არსებული გამოწვევების გარშემო ერთიანდება. უკვე მრავალი წელია ჭრელი წინდები  სოლიდარობის სიმბოლოდ იქცა. 

იხილეთ ფოტოები