ვახტანგისის N2 საჯარო სკოლის მოსწავლეები გამწვანების აქციას პასუხისმგებლობით მოეკიდნენ
30-03-2018
ვახტანგისის N2 საჯარო სკოლაში მოსწავლეები აქტიურად ჩაერთნენ სკოლის ეზოს გალამაზება-გამწვანების აქციაში. იდეის ორგანიზატორი დირექტორის მოადგილე ირმა კიკნაძე იყო.
მოსწავლეებმა სკოლაში სხვადასხვა ჯიშის ნერგი დარგეს.
ირმა კიკნაძის განმარტებით, აღნიშნული აქტივობა ბავშვებს უნერგავს ბუნების სიყვარულს და უყალიბებს პასუხისმგებლობის გრძნობას გარემოს დაცვის საკითხებთან დაკავშირებით.
მოსწავლეები შესასრულებელ საქმეს დიდი მონდომებით და პასუხისმგებლობით მოეკიდნენ.