პედაგოგების ნაწილმა სავალდებულო ტრენინგები ზაფხულში გაიარა თუმცა, არსებობს მასწავლებლების კატეგორია, რომლებსაც აღნიშნულ ტრენინგებთან დაკავშირებით მასწავლებლის სახლიდან არ დაკავშირებიან, ანდაც დარეგისტრირება ვერ მოასწრეს.

etaloni.ge დაინტერესდა, მათ ვინც ზაფხულში სავალდებულო ტრენინგების გავლა გარკვეული მიზეზების გამო ვერ მოახერხა, რა ბედი ელით, ან იგეგმება თუ არა მათთვის უახლოეს მომავალში სავალდებულო ტრენინგები.

ამ კითხვებით მასწავლებელთა პროფესიული განვითარების ეროვნულ ცენტრს დავუკავშირდით, სადაც განაცხადეს, რომ სექტემბრიდან მასწავლებლები სავალდებულო ტრენინგების გავლას შეძლებენ.

„სავალდებულო ტრენინგები ვინც ზაფხულში ვერ გაიარა, მათ სექტემბერში შეეძლებათ. ახლა შესაძლოა სხვადასხვა ორგანიზაციები ტრენინგებს ატარებენ, მაგალითად ფასიანს და მასწავლებლებს მათგან მიუვიდათ გარკვეული შეტყობინება. სავალდებულო ტრენინგები მასწავლებლებისთვის იქნება სექტემბერში“, - განაცხადეს მასწავლებლის სახლში.