2022-2023 სასწავლო წელი ხვალ იწყება. სწავლის დაწყება ყველაზე ამაღელვებელი პირველი კლასის მოსწავლეებისთვის და მათი მშობლებისთვისაა. 15 სექტემბერს ქვეყნის მასშტაბით ჯამში 55 717 პირველკლასელი დაიწყებს სწავლას, შესაბამისად ერთ-ერთი ყველაზე აქტუალური კითხვა, რომელიც დღეს მშობლებს და მოსწავლეებს აქვთ არის - რომელ საათზე უნდა გამოცხადდნენ სკოლებში?

აღნიშნულ კითხვაზე პასუხი თითქოს ძალიან მარტივია და ყველამ იცის, რომ სკოლა 9:00 საათზე იწყება, თუმცა გვინდა გაგაფრთხილოთ, ყველა სკოლაში სწავლა დილის ცხრა საათზე სულაც არ იწყება. როგორც განათლების სამინისტროში განგვიმარტეს, არის სკოლები რომლებიც სწავლას 08:30 საათზე იწყებენ ან პირიქით უფრო გვიან. ამიტომ კიდევ ერთხელ გადაამოწმეთ სწავლის დაწყების დრო კლასის დამრიგებელთან. 

etaloni.ge წარმატებულ და ბედნიერ სასწავლო წელს გისურვებთ!

იხილეთ:  2022-2023 სასწავლო წლის კალენდარი ცნობილია