საგანმანათლებლო სფეროში მიმდინარე სიახლეებზე საქართველოს სკოლების წარმატებული დირექტორების აზრი განსაკუთრებით მნიშვნელოვანია. ამიტომ, etaloni.ge წალკის მუნიციპალიტეტის სოფელ საბეჭისის საჯარო სკოლის დირექტორ რამაზ ხინიკაძეს დაუკავშირდა და სხვადასხვა მნიშვნელოვან საკითხზე მისი კომპეტენტური მოსაზრება მოისმინა. 

- რას ფიქრობთ დაწყებით კლასებში საგნობრივ სწავლებაზე ? თუ არის აღნიშნული მეთოდი თქვენ სკოლაში დანერგილი ? რა დადებით და უარყოფით მხარეებს ხედავთ სწავლების ამ მიდგომაში ?

- დიახ, საგნობრივი სწავლება დაწყებით კლასებში დანერგილი გვაქვს და დადებითია ის, რომ მოსწავლეებს დაბალი კლასებიდანვე სხვადასხვა პედაგოგთან ადაპტაცია უადვილდებათ.

- როგორც ცნობილია, დამტკიცდა საჯარო სკოლის დირექტორის ახალი სტანდარტი. როგორია თქვენი შეხედულება განახლებულ დოკუმენტზე ? თქვენთვის საინტერესო რომელ საკვანძო საკითხებს გამოყოფდით ახალ სტანდარტში ?

- ძალიან საინტერესო და კარგია. განსაკუთრებულად ვერც ერთ საკითხს ვერ გამოვყოფდი.

- რას ნიშნავს თქვენთვის სასკოლო გარემო და როგორ აღწერდით მას თქვენი სკოლის მაგალითზე ?

- სასკოლო გარემო არის სასწავლო გეგმაზე მორგებული, აგრეთვე მოსახერხებელი წალკის კლიმატურ პირობებთან, ჰარმონიაში კანონთან შესაბამისად.

- ახალი სასწავლო წლის დადგომასთან ერთად თქვენი სკოლისთვის საინტერესო რომელ სიახლეებს გამოყოფდით განსაკუთრებით ?

- განსაკუთრებული სიახლე არ გვაქვს.

- თქვენი აზრით რას უნდა მიანიჭოს მასწავლებელმა სწავლების დროს ყველაზე დიდი მნიშვნელობა ?

- ყველა ბავშვის ინდივიდუალურ შესაძლებლობებს.