18 ნოემბერს, პარლამენტის პლენარულ სხდომაზე, ინტერპელაციის წესით, პრემიერ-მინისტრს, საგარეო საქმეთა მინისტრსა და განათლების და მეცნიერების მინისტრს მოუსმენენ.
ინტერპელაციის საკითხი პლენარული სხდომის დღის წესრიგში ასახულია.
პარლამენტის ბიუროს გადაწყვეტილებით, თითოეულ მათგანთან საინტერპელაციო დროდ სამი საათი განისაზღვრა.
„სამი ინტერპელაცია უნდა ჩატარდეს, იცით რომ დრო პროპორციულად ნაწილდება. დაახლოებით თითო ინტერპელაცია მაქსიმუმ 3 საათი და 38 წუთი გამოდის შესაბამისი პროპორციული გადანაწილებით და პარასკევი დღე მიეძღვნება ამ ინტერპელაციებს“,- თქვა შალვა პაპუაშვილმა.
ირაკლი ღარიბაშვილი, ილია დარჩიაშვილი და მიხეილ ჩხენკელი საპარლამენტო ოპოზიციამ ინტერპელაციის წესით სექტემბერში დაიბარა, თუმცა საგარეო ვიზიტების გამო, მათი აღნიშნულ ფორმატში მოსმენა ნოემბრისთვის გადაიდო.
