500-ზე მეტი მასწავლებლისთვის ტრენინგები ჩატარდება - დეტალები
16-11-2022
ტრენერთა ინტენსიური ტრენინგების შემდგომ, ეთნიკური უმცირესობების სკოლების დაწყებითი საფეხურის კითხვის, მათემატიკისა და ქართული, როგორც მეორე ენის მასწავლებელთა ტრენინგები დაიწყო. ტრენინგებს პროგრამის პარტნიორები - ილიას სახელმწიფო უნივერსიტეტი და სამცხე-ჯავახეთის სახელმწიფო უნივერსიტეტი ატარებენ.
ტრენინგებში მონაწილეობას სომხურენოვანი და აზერბაიჯანულენოვანი სკოლების დაწყებითი საფეხურის 500-ზე მეტი მასწავლებელი მიიღებს.
სატრენინგო თემებს შორის განსაკუთრებული ადგილი დაეთმობა განმავითარებელი შეფასების როლსა და მნიშვნელობას ეფექტური და ეფექტიანი სასწავლო პროცესის წარმართვისათვის.
სკოლების სიახლეები
