კომპლექსური დავალებების შესახებ, სკოლამდელი და ზოგადი განათლების განვითარების დეპარტამენტის უფროსის მოადგილემ, მარიამ ჩიქობავამ რამდენიმე განმარტება გააკეთა და აღნიშნა, მასწავლებლები კომპლექსურ დავალებას ბავშვებს სახლში საკეთებლად აძლევენ, რაც არაა მართებული; პირიქით, „კომპლექსური დავალების ფარგლებში ეს ყველაფერი მასწავლებელმა კლასში უნდა გააკეთოს“, - დასძინა ჩიქობავამ.
განათლების სამინისტროს წარმომადგენელმა ასევე განაცხადა, რომ ამ მიმართულებით პედაგოგებთან დამატებითი მუშაობაა საჭირო, - „ქოუჩები გვყავს, კოორდინატორებიც, მაგრამ რეალურად, ადამიანური რესურსი სერიოზული პრობლემაა, თან ვცდილობთ, ადგილზე რომ გაიზარდოს ეს კადრიც...
მესმის, რთულია, მასწავლებელი აღარ არის მოტივირებული ამდენი ტრენინგით, მაგრამ უბრალოდ სხვა გზა არ არის! სხვაგვარად როგორ შეიძლება ბავშვებს კრიტიკული აზროვნება დააწყებინო? გაკვეთილის მოყოლით და შემდეგ გაკვეთილზე გადასვლით ეს გამორიცხულია“!
