„სამუშაო ვიზიტის ფარგლებში, მასწავლებელთა პროფესიული განვითარების ეროვნული ცენტრის პროგრამა eTwinning-ის წარმომადგენლებმა შეხვედრები გამართეს სომეხ კოლეგებთან. ჩატარდა სხვადასხვა თემატიკის ვორქშოპები და სესიები.

მონაწილეებს საშუალება მიეცათ გაეზიარებინათ დაგროვილი გამოცდილება და დაეგეგმათ სამომავლო, ერთობლივი აქტივობები.

შეგახსენებთ რომ მასწავლებელთა პროფესიული განვითარების ეროვნული ცენტრი, ევროკომისიის მხარდაჭერით eTwinning-ის პროგრამას 2013 წლიდან ახორციელებს. პროგრამაში ჩართულია ევროპის 44 ქვეყანა, საქართველოდან პროგრამაში რეგისტრირებულია 2 300 მასწავლებელი 1 300 სკოლიდან. ქართველმა მასწავლებლებმა 5000-მდე პროექტში მიიღეს მონაწილეობა. eTwinning-ის პროგრამის ახალი პლატფორმა პროგრამის მონაწილეთა მთავარი სამუშაო სივრცეა, რომელიც ქართულ ენაზე მასწავლებელთა პროფესიული განვითარების ეროვნული ცენტრის ინიციატივით ითარგმნა“, - აღნიშნულია მასწავლებლის სახლის მიერ გავრცელებულ ინფორმაციაში.