ბოლნისის N5 საჯარო სკოლაში დედაენის დღესთან დაკავშირებული კვირეული ჩატარდა. 

პროექტი მოიცავდა რამდენიმე ეტაპს:   

„რეგიონების კულტურულ-საგანმანათლებლო და ბიზნესის განვითარების ასოციაციამ“ განახორციელა პროექტი „დედაენა ქართული“, რომლის ფარგლებში გაიმართა სასკოლო ტური და გამოვლინდა გამარჯვებული თემა, რომელიც მე-11 კლასის მოსწავლეს, თეონა პაპიაშვილს, ეკუთვნის.  

მისმა ნაშრომმა სარაიონო ტურშიც დაიმსახურა ჟიურის ყურადღება და მეორე საპრიზო ადგილი დაიკავა.   

სკოლაში ასევე გაიმართა კონკურსი - „კალიგრაფიის მარგალიტები“, სადაც მე-10 კლასის მოსწავლე, ნინო მამულაშვილმა გაიმარჯვა.   

პროექტის ფარგლებში მოსწავლეები ერთმანეთს ლიტერატურის ცოდნაშიც შეეჯიბრნენ. 

ლიტერატურული ვიქტორინა, რომელშიც მე-7 და მე-11 კლასის მოსწავლეებით დაკომპლექტებული 7 გუნდი მონაწილეობდა, ორ ეტაპად ჩატარდა.  

გამარჯვებული გუნდის წევრებს სამახსოვრო სიგელები გადაეცათ.   

პროექტის დასკვნით ნაწილში მე-2 და მე-4 კლასის მოსწავლეებმა მხატვრულ-ლიტერატრული კომპოზიცია  „ო, ენავ ჩემო“ წარმოადგინეს.   

მათ დედა ენისადმი მიძღვნილი პოეზიის ნიმუშები წაიკითხეს და შეასრულეს ამავე თემაზე შექმნილი მუსიკალური ნაწარმოებები.   

იხილეთ ფოტოები